Nepal Purbadhar

सोमवार, माघ १६, २०७९
Monday, January 30, 2023

सोमवार, माघ १६, २०७९
Monday, January 30, 2023

मनास्लु हिमाल चढ्ने आकर्षण, आरोहण अनुमति लिनको संख्या साढे ४ सय नाघ्यो


काठमाडौं । यस वर्षको शरद ऋतुमा हिमाल आरोहण अनुमति लिने आरोहीको संख्या ४ सय ५४ जना पुगेको छ ।

पर्यटन विभागका अनुसार यो संख्या वुधबारसम्म अनुमति लिएका आरोही हुन । अटम सिजन (शरद ऋतु) मा ८ हिमाल आरोहणको लागि ४८ समूहले अनुमति लिएका छन् । ती समुहमा ३ सय ४४ जना पुरुष र १ सय १० महिला रहेका छन् ।

मनास्लु हिमाल चढ्ने आकर्षण
पर्यटन विभागले दिएको तथ्यांकअनुसार आरोहीमा मनास्लु हिमाल चढ्ने आकर्षण देखिएको छ । कुल ८ हजार १६३ मिटर अग्लो यो हिमाल चढ्न अनुमति लिनको संख्या ३ सय ९४ जना रहेको छ ।

यो कुल अनुमति लिने संख्याको ८७ प्रतिशत हो । त्यस्तै, सरीबुंङ (६३४६ मिटर) हिमाल चढ्नेको संख्या सबैभन्दा न्यून १ जना मात्र रहेको छ ।

तथ्यांकअनुसार धौलागिरी (८१६७ मि) मा ३४ जना, हिम्लुङ हिमाल (७१२६ मि) ७ जना, सगरमाथा (८८४८.८६ मि) को लागि ५ जनाले अनुमति लिएका छन् । नुप्त्से (७८५५ मि) को लागि ५, कुम्भकर्ण (७७१० मिटर) ४ जना र गनचेन्पो (६३७८ मि) ४ जना आरोहीले आरोहण अनुमति लिएका छन् ।

आरोहन रोयल्टीबापत ५ करोड जम्मा

पर्यटन विभागले दिएको जानकारीअुनसार हिमाल आरोहन बापत ५ करोड ३२ लाख २७ हजार जम्मा भएको छ । सबैभन्दा बढी रोयल्टी मनास्लु हिमालबाट ४ करोड ५१ लाख रुपैयाँ जम्मा भएको छ ।

त्यस्तै, सरीबुंङ हिमालको कुल १५ हजार ८७७ रुपैयाँ उठेको छ । सबैभन्दा उच्च चुचुरो सगरमाथामा अहिलेसम्म ३५ लाख ३ हजार ५ सय रुपैयाँ मात्र रोयल्टी जम्मा भएको छ ।


Read Previous

चेपेखोलाबाट विद्युत उत्पादन सुरु, ८.६ मेगावाट विद्युत प्रसारण प्रणालीमा थप

Read Next

पिपिए सहमतिका लागि माथिल्लो तमोर र कालीगण्डकी गर्जको सार्वजनिक सुनुवाई हुँदै

Leave a Reply

Your email address will not be published.