नेपाल पूर्वाधार 
काठमाडौं । नेपाल आयल निगमले पेट्रोलियम पदार्थको मूल्यमा भारी वृद्धि गरेको छ । निगमले आइतबार मध्य रातिदेखि लागु हुने गरी पेट्रोल, डिजेल र मट्टीतेलको मूल्य बढाएको हो ।
पेट्रोल लिटरमा एकै पटक २१ रुपैयाँ बढाइएको छ । मूल्य वृद्धिपछि अब प्रतिलिटर पेट्रोल खरिद गर्नका लागि १९९ रुपैयाँ तिर्नुपर्ने भएको छ ।
यस्तै, मट्टीतेलमा प्रतिलिटर २७ रुपैयाँ बढेको छ । आइतबारको मूल्य वृद्धिपछि प्रतिलिटर डिजेल र मट्टीतेलको मूल्य १९२ रुपैयाँ पुगेको छ ।
आन्तरिक हवाई इन्धनको मूल्य पनि प्रतिलिटर १९ रुपैयाँ बढाएर १८५ रुपैयाँ पुर्याइउको निगमले जनाएको छ । अन्तर्राष्ट्रिय हवाई इनधनमा समेत प्रतिकिलोटिरमा १०० अमेरिकी डलर बढाएर १ हजार ६ सय ४५ अमेरिकी डलर पुर्याएको निगमले जनाएको छ । खाना पकाउने ग्यासको मूल्य भने नबढाई यथावत राखिएको छ ।
यसअघि गत जेठ २६ गते पनि पेट्रोलमा प्रतिलिटर ८ र डिजेल र मट्टीतेलमा १२ रुपैयाँ मूल्य बढाएर समायोजन गरिएको थियो । युक्रेन–रसिया युद्धका कारण अन्तर्राष्ट्रिय बजारमा पेट्रोलियम पदार्थको मूल्यमा उतार–चढाव आउँदा त्यसको असर नेपालमा पनि देखिएको छ । दुई देशको युद्ध सुरु भए यता नेपालमा पेट्रोलियम पदार्थको मूल्य निरन्तर बढिरहेको छ ।
