नेपाल पूर्वाधार 
अन्तर सरकारी वित्तीय हस्तान्तरणअन्तर्गत सरकारले संघीय सरकारले आगामी आर्थिक वर्ष २०७९/८० को लागि स्थानीय तह (७५३ पालिका) र प्रदेश (७) को लागि कुल ४ खर्ब २९ अर्ब ८३ करोड रुपैयाँ विनियोजन गरेको छ । त्यसमध्ये स्थानीय तहलाई ३ खर्ब ३७ अर्ब र प्रदेशलाई १ खर्ब २९ अर्ब ४६ करोड विनियोजन गरिएको छ ।
विनियोजित रकममध्ये ५६ प्रतिशत हिस्सा ससर्त अनुदान रकम छ । ससर्त अनुदामा २ खर्ब ४० अर्ब ८९ करोड ४५ लाख रुपैयाँ छ । विशेष अनुदानमा भने १३ अर्ब ७० करोड ५३ लाख रुपैयाँ विनियोजन गरिएको छ । सरकाले समानीकरण अनुदान स्थानीय पालिका र प्रदेशलाई १ खर्व ६१ अर्ब ६६ करोड रुपैयाँ विनियोजन गरेको छ ।
त्यसमध्ये न्यूनतम अनुदानमा ४१ अर्ब ८१ करोड ५ लाख रुपैयाँ विनियोजन गरिएको छ । समपुरक अनुदान, जुन पुँजीगत बजेट हो, यस शीर्षकमा १३ अर्ब ५६ करोड ९० लाख विनियोजन भएको छ ।
कुन पालिकाको भागमा कति:अन्तरसरकारी-वित्तीय-हस्तान्तरण-२०७९
