नेपाल पूर्वाधार 
काठमाडौं। सम्पत्ति शुद्धीकरण विभागले पूर्वप्रधानन्यायाधीश चोलेन्द्रशमशेर जबरासहित उनका निकटस्थ र नातेदारका घरमा छापा मारेको छ।
विभाग निकट स्रोतका अनुसार जबरा, नवराज थपलिया, दीपक तिमल्सिना र नारायण दाहालको घरमा टोलीले छापा मारेको हो। जबराका भाइ प्रभुशमशेर जबरा र ज्वाइँ नाता पर्ने नवीन बस्नेतको घरमा समेत टोली पुगेको छ।
छापाका क्रममा केही महत्त्वपूर्ण कागजात बरामद गरिएको स्रोतले जनाएको छ।
यसअघि काठमाडौं उपत्यका अपराध अनुसन्धान कार्यालयको टोलीले जबरालाई उनकै घरबाट मध्यराति पक्राउ गरी करिब १२ घण्टा नियन्त्रणमा लिएर छाडेको थियो।
