नेपाल पूर्वाधार 
काठमाडौं । बुद्धभुमि नेपाल हाईड्रोपावर कम्पनीले निष्काशन गर्ने हकप्रद शेयर निष्काशन गर्दैछ । यसको लागि परामर्श सेवासहित हकप्रद शेयरको निष्काशन तथा बिक्री प्रबन्ध गर्ने गरी एनआईसी एशिया क्यापिटल लिमिटेड र बुद्धभुमि नेपाल हाईड्रोपावरबीच सम्झौता भएको छ ।
सम्झौता बुद्धभुमि नेपाल हाईड्रोपावर कम्पनीका संचालकहरुको उपस्थितिमा कम्पनीको तर्फबाट प्रमुख कार्यकारी अधिकृत शेखर कुमार सुवेदी र क्यापिटलको तर्फबाट प्रमुख कार्यकारी अधिकृत रामेन्द्र रायमाझीले हस्ताक्षर गरे ।
सम्झौताअनुसार क्यापिटलले बुद्धभुमि नेपाल हाईड्रोपावर कम्पनीले हकप्रद शेयर निष्काशन प्रकृया अगाडी बढाउनको लागि आवश्यक परामर्श सेवा उपलब्ध गराउने छ । साथै सम्बन्धित नियमनकारी निकायहरुमा हकप्रद शेयर निष्काशन प्रकृया अगाडी बढाउदा आवश्यक पर्ने कागजातहरु र अन्य विवरण तयार गर्न सहजीकरण गर्नेछ ।
क्यापिटलले हकप्रद शेयर निष्काशन सम्बन्धी व्यवस्था तथा विवरणहरु तयार गरी नेपाल धितोपत्र बोर्डमा ‘हकप्रद शेयर निष्काशन सम्बन्धी विवरण–पत्र’ स्वीकृतिको लागि पेश गर्ने लगायतका हकप्रद शेयर निष्काशन सम्बन्धी सम्पूर्ण कार्य गर्नेछ ।
एन आई सी एशिया क्यापिटलले ‘आइडिया टु आइपीओ’ सेवा अन्तर्गत कम्पनीलाई पब्लिक कम्पनीमा परिणत गरी साधारण शेयर निष्काशन सम्मको कार्य गरिदिनेछ ।
