Nepal Purbadhar

बुधबार, अशोज १२, २०७९
Wednesday, September 28, 2022

बुधबार, अशोज १२, २०७९
Wednesday, September 28, 2022
बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले पश्चिम सेती अध्ययन अनुमतिपत्रका लागि भारतीय कम्पनीको आवेदन निजी क्षेत्रलाई विद्युत व्यापारको अनुमति दिन अध्यादेश (यस्ता छन् विद्युत व्यापारका प्रावधानहरु) कोटेश्वर–सूर्यविनायक सडकमा प्राधिकरणले जोड्यो स्मार्ट बत्ती, झिलिमिली बन्यो सडक २ अर्ब बढी लगानीमा भरतपुर महानगरकाे ढल व्यवस्थापन गरिने

यस्ता छन कुर्था-जयनगर रेल सञ्चालनका मुख्य ६ समस्या


काठमाडौं । सरकारले महोत्तरीको कर्थादेखि जनकपुर हुदै भारतको जयनगरसम्म दुई वटा रेल सञ्चालन गरिरहेको छ ।

कुल ३५ किलोमिटर दूरीमा २० चैत २०७८ देखि पछिल्लो पटक नियमित रेल सञ्चालन हुन थालेको हो । सरकारले २०६१ सालमा स्थापना गरेको नेपाल रेल्वे कम्पनी मातहत नै अहिले रेल सञ्चालन तथा व्यवस्थापनको काम हुँदै आएको छ ।

त्यसबाहेक धनुषाको कुर्थादेखि विजलपुरासम्मको १७ किलोमिटर रेलमार्ग निर्माणको काम आन्तिम चरणमा पुगेको छ । विजलपुरादेखि बर्दीबास (जहाँ पूर्व पश्चिम विद्युतीय रेलमार्गलाई छुन्छ) सम्म भने मुआब्जा वितरणमा ढिलाइ हुँदा अपेक्षित प्रगति भएको छैन ।

अहिले सञ्चालनमा रहेको रेल घाटामा छ । वार्षिक रेल्वे कम्पनीले गर्ने आम्दानी ७ करोड ६६ लाख रुपैयाँ मात्र छ ।

तर, रेल्वे कम्पनीका अनुसार रेल सेवा सञ्चालन र मर्मत सम्भार गरेवापत भारतीय रेल्वे कम्पनी कोंकनलाइ ४५ करोड रूपैयाँ, रेल्वे कम्पनीका कर्मचारीको वार्षिक तलब र भता ३ करोड र रेल्वे इन्धन वापतको वार्षिक खर्च २ करोड १० लाख रूपैयाँ रहेको छ ।

कुल खर्चबाट आम्दानी घटाउँदा ४२ करोड ४४ लाख रुपैयाँ घाटामा रहने रेल्वे कम्पनीका महाप्रबन्धक निरञ्जन झाको भनाई छ । संसदको विकास तथा प्रविधि समितिले रेल सञ्चालनमा भएका समस्यालाई स्थलगत भ्रमण गरी प्रतिवेदन तयार गरेको छ । त्यस प्रतिवेदनअनुसार रेल सञ्चालनमा रहेका मुख्य ६ समस्याहरु यस्ता छनः

१) रेल्वे कम्पनीको आफ्नो तालिमप्राप्त जनशक्ति छैन । पदपुर्तिका लागि तयार पारिएको (ओ एण्ड एम) संगठन तथा व्यवस्थापन सर्वेक्षण प्रतिवेदन नेपाल सरकारबाट स्वीकृत भएको छैन । जसको कारण भारतीय जनशक्तिलाई ठूलो रकम दिनुपरेको छ । त्यसले रेल सञ्चालन घाटा पुर्याउने मुख्य कारक बन्न पुगेको छ ।

२) रेल्वेको आर्थिक वर्ष ०७९/८० को बजेट तथा कार्यक्रम सञ्चालक समितिबाट स्वीकृत भएको छैन । सरकारले १५ जेटमा विनियोजन गरिसकेको बजेट पनि अझै स्वीकृत नहुँदा समस्या आएको छ ।

३) रेल्वेको आफ्नो वर्कशप, वासिङ सेन्टर र फ्युल स्टेशन नहुँदा अत्यधिक महंगो दरमा भारतबाट सेवा लिनुपर्ने वाध्यता रहेको छ । यसले पनि ठूलो परिमाणको रकम भारतलाई तिर्नुपरिरहेको छ । यसलाई न्यूनीकरण गर्ने हो भने देशभित्रै वर्कशप, वासिङ सेण्टर र फ्युल स्टेशन निर्माण गर्नुपर्नेछ ।

४) १४ पुष २०७८ देखि भारतीय रेल कम्पनी कोंकणसँग एक वर्षका लागि सम्झौता गरि सञ्चालनमा आएको रेल सम्झौता अवधि चार महिना भन्दा कम समय बाँकी रहेको छ । तर, यस अवस्थामा पनि  अब रेल कसरी सञ्चालन गर्ने स्पष्ट योजना नेपाली पक्षले बनाइएको छैन ।

५) रेलमार्गमा अवैधानिक बाटो निर्माण गरिएकोले यसबाट दुर्घटना हुन सक्ने सम्भावना बढेको छ । यसलाई रोकिएन भने कुनै न कुनै दिन दुर्घटना हुन सक्नेछ । यसलाई रोक्नुपर्नेछ ।

६) रेल र रेलसँग सम्बन्धित संरचनाहरुको सुरक्षा भरपर्दो नरहेको, त्यसको समुचित प्रयोग नभएको साथै व्यवस्थापन पक्ष अत्यन्त कमजोर अवस्थामा रहेको पाइएको छ । यसमा सुधार गर्नु अत्यावश्यक देखिन्छ ।


Read Previous

मानव विकास सुचकांकमा झिनो सुधार, असमानतामा वृद्धि

Read Next

‘ह्याण्ड ब्रेक’ नभएका २२ टाटा सुमो जिप ट्राफिक प्रहरीको नियन्त्रणमा

Leave a Reply

Your email address will not be published.