Nepal Purbadhar

सोमवार, असार ४, २०८१
Monday, June 17, 2024

सोमवार, असार ४, २०८१
Monday, June 17, 2024
ट्याङ्कर चालक संघकाे हडताल फिर्ता, आजैदेखि इन्धन वितरण सहज हुने    नदी धमिलिन थालेपछि मेलम्चीकाे पानी वितरण बन्द गर्ने तयारी  धाप्लाङघाटमा निर्माणाधीन पक्की पुलको पिल्लर बांगियाे    ढुवानी हडतालले पेट्रोलपम्पमा सवारी साधनको लाइन,चालकलाई छलफलका लागि बोलाइयो    विश्व बैंकको नेपाल निर्देशकमा डेभिड सिस्लेन नियुक्त उत्कृष्ट पर्यटकिय गन्तव्य स्थल ‘खुम्बु क्षेत्र’ मा थप पूर्वाधार विस्तार गरिँदै    पूर्वाधार क्षेत्रमा हुने बेरुजु न्यूनीकरणको लागि कानूनी स्पष्टता आवश्यक मुस्ताङको लोमान्थानमा पश्मिना डिडस्टिङ प्लान्ट स्थापना, पश्मिना गुणस्तरमा उल्लेख्य योगदान पुग्ने

मदन भण्डारी राजमार्ग निर्माण थालिएको ४ वर्षमा ३७ प्रतिशत प्रगति


काठमाडौं । सरकारको उच्च प्राथमिकतामा रहेको मदन भण्डारी राजमार्ग निर्माण थालिएको ४ आर्थिक वर्षमा ३७ प्रतिशत प्रगति भएको छ । यस राजमार्गको कुल १ हजार ३९० किलोमिटर लम्बाई छ ।

तर, मदन भण्डारी राजमार्ग आयोजनाअन्तर्गत ७४० किलोमिटर सडक र १८५ पुल निर्माण पर्छ । बाँकी सडक भने सम्बन्धित डिभिजनले स्तरोन्नति गर्छ ।

आयोजना कार्यालयले सार्वजनिक गरेको तथ्यांकअनुसार यस आयोजना कार्यालयले निर्माण गर्ने सडकमध्ये २५९ किलोमिटर भने कालोपत्रे सम्पन्न भइसकेको छ । त्यस्तै, १८५ पुल निर्माणमध्ये ९३ वटा पुल निर्माण पूरा भएको छ ।

चालु आर्थिक वर्ष २०७९/८० मा ८९ किलोमिटर सडक निर्माणाधीन अवस्थामा रहेको छ । त्यस्तै, ३९२ किलोमिटर सडक खण्डको भने सार्वजनिक खरिद प्रक्रिया नै शुरु भएको छैन । त्यस खण्डको चाडै ठेक्का व्यवस्थापन गर्ने आयोजना कार्यालयले जानकारी दिएको छ ।

तोकिएको समयमा सम्पन्न हुन कठिन

मदन भण्डारी राजमार्ग आर्थिक वर्ष २०८१/८२ मा सम्पन्न गर्ने सरकारको योजना छ । तर, अहिलेकै गतिमा काम हुने हो भने त्यो समयमा आयोजना पूरा हुने सम्भावना देखिदैन । किनकि अब म्याद सम्पन्न हुन ३ वर्षभन्दा कम समय छ ।

तर आयोजनाले ४ वर्षमा गरेको काम ५० प्रशितभन्दा न्यून छ । बाँकी रहेको काम ३ वर्षमा सम्पन्न गर्न काम गर्ने गतिलाई तिब्रता दिनुपर्नेछ । अझै आयोजनाको ६३ प्रतिशत काम सम्पन्न हुन बाँकी छ । आयोजनाको कुल लागत अनुमान ७५ अर्ब रुपैयाँ छ । त्यसमध्ये गत आर्थिक वर्षसम्ममा २७ अर्ब रुपैयाँ खर्च भएको छ ।

गत आबमा कति खच भयो ?

गत आर्थिक वर्ष सरकारले ६ अर्ब ३४ करोड ७१ लाख रुपैयाँ विनियोजन गरेको थियो । तर, त्यसमध्ये ६ अर्ब १३ करोड २३ लाख रुपैयाँ खर्च भएको छ । यो कुल विनियोजनको ९६ दशकलव ६१ प्रतिशत हो ।

त्यस्तै, भौतिक प्रगति भने शतप्रतिशत भएको छ । आयोजना कार्यालयले १४ किलोमिटर कालोपत्रे गर्ने र १० वटा पुल निर्माण गर्ने वार्षिक लक्ष्य राखेको थियो । वर्षको अन्तमा २० किलोमिटर सडक कालोपत्रे भएको छ भने १६ किलोमिटर पुल निर्माण सम्पन्न भएको छ ।


Read Previous

दुई दशकमा निजी क्षेत्रले जलविद्युतमा मारेको छलाङ

Read Next

संयुक्त पश्चिम सेतीको जिम्मा लिएको दुई सातामै भारतीय कम्पनीद्वारा बिजुली बिक्रीका लागि समझदारी

Leave a Reply

Your email address will not be published.