Nepal Purbadhar

बुधबार, अशोज १२, २०७९
Wednesday, September 28, 2022

बुधबार, अशोज १२, २०७९
Wednesday, September 28, 2022
बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले पश्चिम सेती अध्ययन अनुमतिपत्रका लागि भारतीय कम्पनीको आवेदन निजी क्षेत्रलाई विद्युत व्यापारको अनुमति दिन अध्यादेश (यस्ता छन् विद्युत व्यापारका प्रावधानहरु) कोटेश्वर–सूर्यविनायक सडकमा प्राधिकरणले जोड्यो स्मार्ट बत्ती, झिलिमिली बन्यो सडक २ अर्ब बढी लगानीमा भरतपुर महानगरकाे ढल व्यवस्थापन गरिने

सहायक कम्पनीको १२३५ प्रतिशत र निजी क्षेत्रको साढे ३८ प्रतिशत विद्युत उत्पादन वृद्धि


काठमाडौ । नेपाल विद्युत प्राधिकरणका सहायक कम्पनीहरुबाट उत्पादन हुने विद्युत १२३५.१५ प्रतिशत र निजी क्षेत्रबाट ३८.५७ प्रतिशतले उत्पादन वृद्धि भएको छ । तर विद्युत स्वयं विद्युत प्राधिकरणको उत्पादन भने गत बर्ष पनि शुन्य प्रतिशत छ ।

अघिल्लो बर्ष प्राधिकरणले बर्षाको समयमा बिजुली खेर गएको बताउँदै आएको भएपनि बुधबार सार्वजनिक गरिएको विद्युत प्राधिकरणको ३७ औ बार्षिक प्रतिवेदनमा यसबारे उल्लेख छैन ।

प्राधिकरणका अनुसार, सहायक कम्पनीबाट अघिल्लो आर्थिक वर्ष २०७७/०७८ मा १४ करोड ८० लाख युनिट विद्युत प्राधिकरणले प्राप्त गरेकोमा गत बर्ष १ अर्ब ९७ करोड पुगेको छ । जुन ४५६ मेगावाटको माथिल्लो तामाकोशी निर्माणसँगै सम्भव भएको हो ।

प्राधिकरणका कार्यकारी निर्देशक कुलमान घिसिङका अनुसार, यही कारण गत आर्थिक वर्ष २०७८/०७९ मा ४५ प्रतिशत आयात घटेको छ । अघिल्लो बर्षमा २ अर्ब ८० करोड युनिट रहेकोमा अहिले भारतबाट १ अर्ब ५४ करोड आयात भएको छ ।

यसैगरी निजी क्षेत्रले अघिल्लो बर्ष ३ अर्ब ९ करोड युनिट विद्युत उत्पादन गरेकोमा ३८.५७ प्रतिशतले बढेर ४ अर्ब २८ करोड पुगेको छ । गत आर्थिक बर्षमा ७१७ मेगावाट जलविद्युत आयोजना सम्पन्न भएर निजी क्षेत्रको योगदान १५३२ मेगावाट पुगेको प्राधिकरणले जनाएको छ ।

विद्युत प्राधिकरणका सहायक कम्पनीमार्फत उत्पादन भएको ४७८ मेगावाटलाई समेत प्राधिकरणले विद्युत खरिद सम्झौता (पीपीए) गर्ने हुनाले निजी क्षेत्रको आयोजनाको रुपमा समावेश गरेको छ । हाल विद्युतको जम्मा क्षमता भने २१ सय मेगावाट छ ।

प्राधिकरणका अनुसार, कुल उपलब्ध ऊर्जामध्ये प्राधिकरण तथा यसका सहायक कम्पनीहरुको योगदान ४७.३२ प्रतिशत छ भने निजी क्षेत्र र भारतबाट खरिद गरिएको विद्युत योगदान ३८.७४ प्रतिशत र १३.९४ प्रतिशत छ ।

प्राधिकरणले अघिल्लो आर्थिक बर्षमा ७ अर्ब २७ करोड युनि बिजुली स्वदेशमा खपत भएकोमा २१.२८ प्रतिशतले बढेर ८ अर्ब ८२ करोड पुगेको छ भने भारतर्फको निर्यात समेत ४ करोड ४० लाख युनिटबाट बढेर ४९ करोड ३० लाख पुगेको छ ।

प्राधिकरणका अनुसार अघिल्लो आर्थिक बर्षमा ८ अर्ब ८५ करोड युनिट बिजुली राष्ट्रिय प्रसारणमा उपलब्ध भएकोमा २५ प्रतिशतले बढेर ११ अर्ब ६ करोड पुगेको छ ।


Read Previous

प्राधिकरण कर्मचारी संघको नेतृत्व ‘रिक्त’

Read Next

नेपालको पूर्वाधार विकास र निजी क्षेत्रको न्यून सहभागिता

Leave a Reply

Your email address will not be published.