Nepal Purbadhar

शुक्रबार, माघ २०, २०७९
Friday, February 3, 2023

शुक्रबार, माघ २०, २०७९
Friday, February 3, 2023

जलविद्युत आयोजनालाई सुरक्षा दिन इप्पानको सरकारसँग माग


काठमाडौं । स्वतन्त्र ऊर्जा उत्पादकहरको संस्था नेपाल (इप्पान) ले जलविद्युत आयोजनालाई सुरक्षाको प्रत्याभूति गराउन सरकारसँग जोडदार माग गरेको छ ।

रसुवा जिल्लामा निर्माणाधीन सान्जेन (४२.५ मेगावाट) र माथिल्लो सान्जेन (१४.८ मेगावाट) जलविद्युत कम्पनीको आयोजना हेर्ने साइट कार्यालयमा तोडफोड र आगजनी गरेको प्रति इप्पानको गम्भिर ध्यानकर्षण भएको विज्ञप्तिमा उल्लेख गरेको छ । ‘प्रभावित क्षेत्रका स्थानीयको अधिकारका नाममा भएको यस्तो गतिविधिको इप्पान घोर भत्र्सना र निन्दा गर्दछ’ मंगलबार जारी गरेको विज्ञप्तिमा उल्लेख छ ।

परियोजनाहरुको कार्यस्थलमा हुने गरेका यस्ता घटनाहरुलाई निरुत्साहित गर्न र पुनः हुन नदिई सुरक्षाको प्रत्याभूति गराउनुपर्ने इप्पानको माग छ । साथै तत्काल यस घटनाको निष्पक्ष छानविन गरी दोषीउपर कानूनी कारवाही गर्न पनि माग गरेको छ ।

यसअिघ २९ साउन २०७९ आइतवार ७०/८० जनाको समूहले आयोजनाको साइट कार्यालय तोडफोड र आगजनी गरेको गरेको थियो । आयोजनासँग आफ्ना मागहरु भए शान्तिपूर्ण तथा शिष्टतापूर्वक राख्न र आपसी वार्तामार्फत समाधान गर्नुपर्ने इप्पानको भनाइ छ ।

परिस्थितिलाई नजरअन्दाज गरेर बलजफ्ती गरिनु सैह्य नहुने विज्ञप्तिमा उल्लेख छ । यस्ता गतिविधिले राष्ट्रिय अर्थतन्त्रको मेरुदण्डको रुपमा रहेको ऊर्जा क्षेत्रमा नकारात्मक सन्देश प्रवाह हुने र यो क्षेत्र निरुत्साहित हुने ऊर्जा उत्पादकहरुको भनाइ छ ।


Read Previous

बस्नेतकाे अध्यक्षतामा नेपाल पूर्वाधार पत्रकार समाजकाे नयाँ कार्यसमिति चयन

Read Next

धरान उप-महानगरकाे खानेपानी समस्या अन्त्य गर्न संघीय सरकारले सघाउने

Leave a Reply

Your email address will not be published.