Nepal Purbadhar

बुधबार, अशोज १२, २०७९
Wednesday, September 28, 2022

बुधबार, अशोज १२, २०७९
Wednesday, September 28, 2022
नेपाली कांग्रेसको ऊर्जा नीति र चुनावी घोषणापत्रमा समेट्नु पर्ने मुद्दा ८ वर्षभित्र ३३ लाख घरधुरीमा विद्युतीय चुल्हो पुर्याउने कार्ययोजना निर्माण सुदूरपश्चिम प्रदेश राजधानी घोषणाका ४ वर्षमा पनि पूर्वाधारका काम अघि बढन सकेनन् अन्नपूर्ण पदमार्गमा पर्यटकीय चहलपहल बढ्दै, २०२२ मा अहिलेसम्म ७ हजार २१३ विदेशी पर्यटक आए बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले

बस्नेतकाे अध्यक्षतामा नेपाल पूर्वाधार पत्रकार समाजकाे नयाँ कार्यसमिति चयन


काठमाडौं । नेपाल पूर्वाधार पत्रकार समाज (सिज नेपाल) को प्रथम साधारणसभा तथा अधिवेशनले जीवन कुमार बस्नेतको अध्यक्षतामा ११ सदस्यीय नयाँ कार्यसमिति चयन गरेको छ । संस्थाको मंगलबार भएको प्रथम साधारणसभा तथा अधिवेशनले सर्वसम्मत नयाँ कार्यसमिति चयन गरेको हो ।

अध्यक्ष बस्नेत नेपाल पूर्वाधार डट कमका कार्यरत छन् । नयाँ कार्यसमितिको उपाध्यक्षमा अन्नपूर्ण पोष्टमा कार्यरत सुनिता कार्की, सचिवमा नागरिक दैनिकमा कार्यरत हिमाल लम्साल निर्वाचित भएका छन् । त्यसैगरी, सहसचिवमा आर्थिक अभियान दैनिकमा कार्यरत हिमा विक र कोषाध्यक्षमा बिजमाण्डु डटकममा कार्यरत दिनेश खड्का सर्वसम्मत निर्वाचित भएका हुन्  ।

सदस्यहरूमा कान्तिपुर दैनिकमा कार्यरत विमल खतिवडा, कारोबार दैनिकमा कार्यरत दिपेन्द्र थापा, राष्ट्रिय समाचार समितिमा कार्यरत संचिता घिमिरे रहेका छन् । त्यसैगरी, सदस्यमा अर्थ टेलिभिजनमा कार्यरत प्रशन्न ढुंगाना, नेपाल टेलिभिजनबाट प्रशारण हुने पूर्वाधार परिवेश कार्यक्रममा कार्यरत विष्णु परियार र क्यापिटल नेपाल डटकममा कार्यरत शर्मिला न्यौपाने रहेका छन् ।

प्रथम साधारणसभाको उद्घाटन सत्रमा निर्वाचन समितिका संयोजक भीमप्रसाद गौतमले आर्थिक समृद्धिको लागि पूर्वाधार क्षेत्रको विकास अपरिहार्य भएको बताए । ‘मुलुकलाई समृद्धिको बाटोमा लैजान पूर्वाधार क्षेत्रको रिपोटिङ अझै गहन र तथ्यपरक रुपमा हुनुपर्छ’ उनले भने । उनले पूर्वाधार रिपोटिङ धेरै प्राविधिक विषय भएकाले पत्रकार आफैले पनि गहन अध्ययन गरेर समाचार संकलन तथा सम्प्रेषण गर्न आवश्यक भएकोमा जोड दिए ।

नवनिर्वाचित अध्यक्ष बस्नेतले संस्थाले पूर्वाधार पत्रकारहरुको क्षमता अभिवृद्धिका कामलाई अघि बढाउने बताए । ‘पूर्वाधार क्षेत्रको नीति निर्माणमा बहस पैरवी, पूर्वाधार आयोजना र कार्यक्रम कार्यान्वयनमा खवरदारी गरिनेछ’ उनले भने । साधारण सभामा हिमाल लम्सालले सचिवको प्रतिवेदन र दिनेश खड्काले कोषाध्यक्षको प्रतिवेदन प्रस्तुत गरेका थिए ।

यसअघि १८ माघ २०७८ मा नेपाल पूर्वाधार पत्रकार समाजको भेलाले बस्नेतकै नेतृत्वमा ११ सदस्यीय तदर्थ समिति गठन गरेको थियो । संस्थाको विधानअनुसार ६ महिनाभित्रै प्रथम साधारणसभा गर्नुपर्ने व्यवस्थाअनुसार नयाँ कार्यसमिति चयन गरिएको हो । यो संस्था जिल्ला ंप्रशासन कार्यालय काठमाडौमा ११ फागुन २०७८ मा विधिवत रुपमा दर्ता भएको थियो ।


Read Previous

१६ जलविद्युत कम्पनीले मर्जरमा जान लिए आयोगको अनुमति

Read Next

जलविद्युत आयोजनालाई सुरक्षा दिन इप्पानको सरकारसँग माग

Leave a Reply

Your email address will not be published.