नेपाल पूर्वाधार 
काठमाडौ । गण्डकी प्रदेशका अर्थमन्त्री मन्त्री रामजी बरालले आगामी आर्थिक वर्ष २०७९/०८० का लागि ३५ अर्ब ९० करोड ९० लाख रुपैयाँको बजेट प्रश्तुत गरेका छन् ।
बुधबार प्रदेशसभामा चालुतर्फ १३ अर्ब २६ करोड ८८ लाख र पुँजीगततर्फ २२ अर्ब १४ करोड रुपैयाँको बजेट बराबरको बजेट मन्त्री बरालले प्रश्तुत गरेका हुन । सार्वजनिक बजेटमा प्रदेशको आन्तरिक राजश्वबाट ५ अर्ब ९ करोड र रोयल्टी बाँडफाँडबाट ३२ करोड प्राप्त हुने अनुमान गरिएको छ ।
यसैगरी बजेटमा नेपाल सरकारबाट वित्तीय समानीकरण अनुदानमार्फत ७ अर्ब ९२ करोड, राजश्व बाँडफाँडबाट प्राप्त ९ अर्ब २३ करोड, ससर्त अनुदानतर्फ ६ अर्ब ९१ करोड ८३ लाख, समपुरक अनुदानतर्फ ८३ करोड र विशेष अनुदानतर्फ ८६ करोड रुपैयाँ प्राप्त गर्ने अनुमान प्रदेश सरकारको छ ।
प्रदेश सरकारले बुढीगण्डकी जलाशययुक्त र उत्तरगंगा जलविद्युत आयोजना यथाशक्य निर्माणका लागि पहल गर्ने उल्लेख गर्दै जलविद्युत लगानी गर्न ३५ करोड बजेट विनियोजन गरेको छ । यसैगरी प्रदेश सरकारले पूर्वाधार विकासका लागि १० अर्ब ३० करोडभन्दा बढी विनियोजन गरेको छ ।
बजेटको पूर्ण पाठ: gandaki prov budjet 1
