नेपाल पूर्वाधार 
काठमाण्डौ । कर्णाली प्रदेशका आर्थिक मामिला तथा योजना मन्त्री विन्दमान विष्टले आगामी आर्थिक वर्ष २०७९/०८० का लागि ३२ अर्ब ६१ करोड ६१ लाख बजेट प्रश्तुत गरेका छन् ।
बुधबार मन्त्री विष्टले प्रदेशसभामा सबे बजेट प्रश्तुत गरेका हुन् । सार्वजनिक बजेटमा पूँजीगततर्फ १९ अर्ब ४३ करोड ५ लाख र चालुतर्फ ९ अर्ब १६ करोड ९९ लाख बिनियोजन गरिएको छ ।
बजेटमा आन्तरिक राजश्वबाट ७१ करोड २९ लाख, चालु आर्थिक बर्षको खर्च नभएर बाँकी रहन जाने करिब ४ अर्ब ५५ करोड ४५ लाख र संघीय सरकारबाट राजश्व बाँडफाँटवापत ९ अर्ब २ करोड २० लाख आउने प्रक्षेपण गरिएको छ ।
यसैगरी वित्तिय समानीकरण अनुदानबाट प्राप्त हुन आएको १० अर्ब ७२ करोड ६४ लाख र सशर्त अनुदानबाट ५ अर्ब ६९ करोड ६७ लाख रकम परिचालन गरिने उनले सार्वजनिक गरेको बजेटमा उल्लेख छ ।
आगामी आर्थिक वर्षको लागि भौतिक पूर्वाधार विकासलाई प्राथमिकता दिँदै बजेट सार्वजनिक गरिएको छ ।
बजेट भौतिक पूर्वाधार मन्त्रालयका लागि १० अर्ब ९२ करोड अर्थात ३३ प्रतिशत तथा जलस्रोत तथा ऊर्जा मन्त्रालयका ३ अर्ब ७९ करोड अर्थात ११.६३ प्रतिशत विनियोजन गरिएको छ । यसैगरी बजेटमा उद्योग, पर्यटन, वन तथा वातवारण मन्त्रालयको लागि २ अर्ब १७ करोड बजेट विनियोजन गरिएको छ ।
बजेटको पूर्ण पाठ: karnali budget
