Nepal Purbadhar

बिहिबार, बैशाख ६, २०८१
Thursday, April 18, 2024

बिहिबार, बैशाख ६, २०८१
Thursday, April 18, 2024

एनएमबि बैंक र विन्ड पावरबीच प्रविधिमा आधारित कृषिमा कर्जा लगानी गर्न समझदारी


काठमाडाैं । एनएमबि बैंक र विन्ड पावर नेपालबीच प्रविधिमा आधारित कृषि प्रणालीमा कर्जा लगानी गर्न समझदारी भएको छ । हाइड्रोपोनिक्स प्रविधिमा आधारित कृषि प्रणालीमा कर्जा लगानी गर्नको लागि दुई संस्थाबीच समझदारी पत्रमा हस्ताक्षर भएको हो ।

समझदारी पत्रअनुसार बैंकले विन्ड पावर नेपालबाट हाइड्रोपोनिक्स प्रविधिमा आधारित कृषि प्रणाली खरीद गर्न इच्छुक व्यक्ति तथा व्यवसायलाई कर्जा उपलब्ध गराउनेछ ।हाइड्रोपोनिक्स भनेको माटोको प्रयोग नगरी बिरुवा उब्जाउने प्रविधि हो ।

यसले पानीमा आधारित पोषक तत्वहरू प्रयोग गरी ३ देखी १० गुणा बढी उत्पादन गर्न सकिन्छ । उत्पादन चक्र छिटो हुन्छ र उत्पादित वस्तुको पोषण तत्व परम्परागत उत्पादन प्रणालीको तुलनामा उच्च रहन्छ ।

एनएमबि बैंकले एसएमई, एमएसएमई, कृषि, पूर्वाधार र ऊर्जामा लगानी गरिरहेको छ । बैंकले आइएफसी कार्यसम्पादन मापदण्डहरू समावेश गरी हरित लगानी कार्यविधि, र वातावरणीय तथा सामाजिक जोखिम व्यवस्थापन प्रणाली विकास गरेको छ ।


Read Previous

बजेट पारदर्शितामा नेपालको स्तर खस्कियो

Read Next

सीजी मोटर्सले गर्यो ‘निटा भी’ विद्युतीय कार सार्वजनिक

Leave a Reply

Your email address will not be published.