दुई महिना नपुग्दै तेस्रो पटक सार्वजनिक यात्रु र मालवाहक सवारीको भाडा वृद्धि, कहाँ कतिले बढ्याे ? (विस्तृतमा)

काठमाडौं । सरकारले ५२ दिनमा तेस्रो पटक अन्तर प्रदेश सञ्चालन हुने लामो दूरीका सार्वजनिक यात्रु र मालवाहक सवारी साधनको भाडादर वृद्धि गरेको छ ।

नयाँ भाडादरअनुसार यात्रुवाहक सवारीमा २.१ प्रतिशतले वृद्धि भएको छ । यसको अर्थ १ हजार रुपैयाँ भाडा लाग्थ्यो भने अब १ हजार २१ रुपैयाँ तिर्नुपर्नेछ । त्यस्तै, पहाडी बाटोमा सञ्चालन हुने मालवाहक सवारी साधनमा २.७ प्रतिशतले वृद्धि भएको छ भने तराईको बाटोमा सञ्चालन हुने मालवाहक सवारीमा ३ प्रतिशतले भाडा वृद्धि भएको छ ।

सार्वजनिक यातायातको भाडा समायोजन गर्दा आधार मानिएको इन्धनको बजार मूल्य ५% वा सो भन्दा बढीले बढेमा वा घटेमा विभागले वैज्ञानिक भाडा समायोजन प्रणाली अनुसार स्वचालित रुपमा अन्तर प्रदेश सार्वजनिक यातायातको भाडा बढ्ने वा घट्ने व्यवस्था गरेको छ ।
त्यसैअनुसार पछिल्लो पटक भाडा समायोजन गर्दा आधार लिइएको ३१ बैशाखमा डिजेलको बजार मूल्य १५३ रुपैयाँ प्रति लिटरमा १० रुपैयाँ वृद्धि भई

अहिले बजार १६३ रुपैयाँ प्रति लिटर कायम भएको छ । यो मूल्य पछिल्लो समायोजनमा आधार लिइएको मुल्यभन्दा ६.५३ प्रतिशत बढी भएकोले भाडादर वृद्धि गर्नुपरेको विभागका भनाइ छ ।

वृद्धि भएको भाडादर मंगलबार (आज) देखि कार्यान्वयनमा आउने यातायात व्यवस्था विभागले जानकारी दिएको छ । यातायात व्यवस्था विभागले वृद्धि गरेको भाडादर दुई वा सो भन्दा बढी प्रदेश भई (राष्ट्रियस्तरका रुटमा) सञ्चालन हुने सार्वजनिक यातायातको भाडादर स्वचालित प्रणाली बमोजिम समायोजन भएको यातायात व्यवस्था विभागले जानकारी दिएको छ ।

कहाँ कतिले बढ्याे भाडा ? (तलकाे लिंकमा क्लिक गर्नुहाेस्र) https://www.dotm.gov.np/Files/NoticePDF/BL.final.2079.02.0%E0%A5%AF%E0%A4%85%E0%A4%A8%E0%A5%8D%E0%A4%A4%E0%A4%B0%E0%A4%AA%E0%A5%8D%E0%A4%B0%E0%A4%A6%E0%A5%87%E0%A4%B6%E0%A4%AD%E0%A4%BE%E0%A4%A1%E0%A4%BE%E0%A4%A6%E0%A4%B02022-05-24_05-00-07-530.pdf