Nepal Purbadhar

शुक्रबार, चैत्र १६, २०८०
Friday, March 29, 2024

शुक्रबार, चैत्र १६, २०८०
Friday, March 29, 2024
निर्माण व्यवसायी महासंघको २५औं साधारणसभाको तयारी पूरा, शुक्रबार प्रधानमन्त्रीले उद्घाटन गर्ने ‘स्मार्ट नगर’ बन्दै धुलिखेल नगरपालिका, नागरिकलाई घरबाटै सेवा  मध्यपहाडी लोकमार्ग निर्माणले छेउछाउमा मानव बस्ती बढ्दै    सुपर त्रिशूली जलविद्युत आयाेजनाकाे इआइए बदरकाे माग गर्दै सर्वाेच्चमा मुद्दा दायर ग्लोबल आइएमई बैंक र आइएफसीबीच जोखिम व्यवस्थापन,लैङ्गिक तथा जलवायु वित्त क्षेत्रमा परामर्श सेवासम्बन्धी समझदारी रसुवागढी जलविद्युत आयाेजनाः विद्युतगृहकाे उपकरण परीक्षण अन्तिम चरणमा    प्रतिकूल मौसमले ‘भिजिबिलिटी’ कमजोर हुँदा हवाई उडान प्रभावित    दैलेखका ४ गाउँपालिकाका ७ गाउँमा राष्ट्रिय प्रसारण प्रणालीबाट विद्युतीकरण

काबेली-३ आयोजनामा लगानी जुट्यो, एनएमबी र सेन्चुरी बैंकले ऋण दिने


काठमाडौं । प्रदेश–१ को ताप्लेजुङ स्थित सिरीगंगा गाउँपालिकामा निर्माण हुने २१.९३ मेगावाटको काबेली–३ जलविद्युत आयोजनामा लगानी जुटेको छ । प्रवर्द्धक काबेली हाइड्रो पावर कम्पनीले आयोजना निर्माण गर्न आवश्यक ऋण लगानी जुटाएको हो ।

आयोजनामा एनएमबी बैंकको अगुवाईमा सेन्चुरी कर्मसियल बैंकले ऋण लगानी गर्ने सम्झौता भएको छ । कूल ४ अर्ब २८ करोड ५० लाख रुपैयाँ लागत अनुमान गरिएको आयोजनामा २ बैंकले ३ अर्ब २१ करोड ३० लाख रुपैयाँ बराबरको ऋण लगानी गर्न लागेका हुन् ।

आयोजनाको प्रवर्द्धक कम्पनी र बैंकबीच सोमबार ऋण लगानी सम्झौतामा हस्ताक्षर भएको छ । सम्झौतामा कम्पनीका अध्यक्ष राजेशकुमार खड्का तथा बैंकका प्रमुख लगानी अधिकृत श्रीजेश घिमिरेले हस्ताक्षर गरेका छन् ।

अध्यक्ष खड्का र बैंकका प्रमुख कार्यकारी अधिकृत सुनिल केसीले हस्ताक्षरित सम्झौता आदान– प्रदान गरे । बैंकहरूले गर्ने ऋण लगानी कूल लागतको ७५ प्रतिशत हो । ऋण बाहेकको २५ प्रतिशत लगानी स्वपुँजी हुनेछ ।

काबेली-३ एनएमबी बैंकले ऋण लगानी गरेको ४३औं जलविद्युत आयोजना हो । लगानी गरेका सबै आयोजना मध्ये २७ आयोजनामा अगुवाई गरेको बैंकले जनाएको छ । नेपाल विद्युत प्राधिकरणसँग यो आयोजनाको विद्युत खरिद सम्झौता (पिपिए) सम्पन्न भइसकेको छ । आगामी असोजबाट आयोजनाको संरचना निर्माणको काम सुरु गरिने प्रवद्र्धक कम्पनीका सञ्चालन मोहनबिक्रम कार्कीले बताए ।

‘अहिले आयोजना स्थलसम्म पुग्ने पहुँच सडक निर्माणको काम अन्तिम चरणमा पुगेको छ,’ उनले भने, ‘विद्युतको पहुँच पुर्याउने कार्य पनि भइरहेको छ । आवसगृह तथा कार्यालय भवनलगायत सबै काम सकिएपछि असोजदेखि संरचनाको काम अघि बढ्छ ।’ २०७८ फागुनदेखि आयोजना निर्माण पूर्व सम्पन्न गर्नुपर्ने कामको थालनी गरिएको थियो ।

उनले निर्माण सुरु भएको २ वर्षभित्रमा आयोजना सम्पन्न गर्ने लक्ष्य रहेको बताए । आयोजना निर्माण सम्पन्न भई सञ्चालनमा आएपछि उत्पादन हुने विद्युत १३२ केभी काबेली कोरिडोर प्रसारण लाइनको अमरपुर सबस्टेसनमा जोडिनेछ । अमरपुर सबस्टेसनसम्म आवश्यक पर्ने २० किलोमिटर लामो सिंगल सर्किट प्रसारण लाइन प्रवर्द्धक कम्पनीले निर्माण गर्नेछ ।

काबेली-३ कार्की संलग्न भएको १०औं जलविद्युत आयोजना हो । उनले यसअघि प्रत्यक्ष संलग्न भई १ मेगावाटको कुथेली बुखरी साना जलविद्युत आयोजना हुँदैे सुपर माई, सुपर माई ‘ए’, सुपर माई क्यासकेड, चेपेखोलालगायत आयोजना निर्माण गरेका छन् । चेपेखोलाको निर्माण अन्तिम चरणमा छ ।


Read Previous

राष्ट्रिय गौरव, रुपान्तरणकारी र ठूला आयोजना मात्र संघले निर्माण गर्ने

Read Next

विपन्नलाई निशुल्क विद्युत मिटर जडान, बुढीगण्डकी स्वदेशी लगानीमा निर्माण

Leave a Reply

Your email address will not be published.