नेपाल पूर्वाधार 
काठमाडौं । यस सिजनको सगरमाथा आरोहणका क्रममा २ नेपाली सहित १ विदेशी नागरिकको मृत्यु भएको छ । पर्यटन विभागका अनुसार सगरमाथामा आरोहण दलका सहयोगी निङ्मा तेञ्जिङ शेर्पा र नेपाली आरोही दिपक महतको मृत्यु भएको हो ।
त्यस्तै, आरोहण अभ्यासका क्रममा २४ वैशाखमा रसियन नागरिक ५५ वर्षीय पावेल कोस्ट्रीकिनको उचाइ (हाइ अल्टीच्यूट सिकनेस) का कारण क्याम्प १ मा मृत्यु भएको हो । नेपाली आरोही दिपक महतलाई क्याम्प २ मा उचाइका कारण विरामी परेका थिए । महतको हेलिकोप्टरमार्फत् उद्धार गरिएको भएपनि उपचारको क्रममा मृत्यू भएको हो ।
विभागका अनुसार जारी सिजनमा सगरमाथा आरोहणका लागि ७३ महिला र २४६ पुरुष गरी कुल ३ सय १९ ले अनुमति लिएका छन् । जसमा ४ सय ८० जनाले विश्वको सर्वोच्च शिखर सगरमाथाको आरोहण गरेका छन् । बिहीबारसम्म ओरोही र आरोहण सहयोगी दलका गरेर ४ सय ८० बढीले आरोहण गरेको पर्यटन विभागले जनाएको छ ।
आरोहण अनुमति लिनेमा ५९ देशका क्रमश अमेरिकी नागरिक ६५, बेलायती नागरिक ३४, भारतीय २४, नेपाली २१, फ्रन्सेली नागरिक १३, क्यानेडीयन १७, हंग्रेरीका २४ नागरिक रहेको विभागले जारी गरेको प्रेस विज्ञप्तिमा उल्लेख छ । जारी सिजनको पहिलो आरोहण वैशाखको. २४ गते आरोही कामीरिता शेर्पासहितको ११ जना शेर्पाको टोलीले डोरी टागेर विश्वकै अग्लो हिमाल सगरमाथाको चुचुरो चुमेका थिए ।
यो सिजन सहित गरेर शेर्पाले पूरुषतर्फ सबैभन्दा बढी २६ औं पटक सगरमाथाको आरोहण गरी किर्तिमानी कायम गरेका छन् । जारी सिजनमा नै लाक्पा शेर्पाले १० औँपटक सगरमाथा चढ्ने पहिलो महिलाको कीर्तिमानी कायम गरेकी छन् ।
