Nepal Purbadhar

शुक्रबार, माघ २०, २०७९
Friday, February 3, 2023

शुक्रबार, माघ २०, २०७९
Friday, February 3, 2023

माइती नेपालमा आबद्ध महिलाका लागि एनएमबी बैंकको वित्तीय साक्षरता कार्यक्रम


काठमाडौं । एनएमबी बैंकले माइती नेपालका महिलाका लागि वित्तीय साक्षरता प्रदान गरेको छ । बैंकको लघुवित्त विभागले माइती नेपालमा आबद्ध ५३ जना महिलाका लागि एक कार्यक्रमको आयोजना गरी वित्तीय साक्षरता प्रदान गरेको हो ।

साक्षरता कार्यक्रममा बचत, लगानी, विभिन्न प्रकारका कर्जा तथा प्राप्त गर्न सकिने सेवाका विषयमा शिक्षा दिइएको बैंकले जनाएको छ । साक्षरता कार्यक्रममा माईती नेपालकोतर्फबाट संस्थापक अनुराधा कोइराला, कार्यकारी सञ्चालक विश्वराम खड्का, कार्यक्रम सञ्चालक युवराज कोइराला उपस्थिति थिए । बैंककातर्फबाट कर्मचारीहरू बुद्धि मल्ल, शरद पौडेल र नबिन पन्थि सहभागी भएका थिए ।

गतवर्ष महिला उद्यमशिलताका लागि सहुलियतपूर्ण कर्जा लगानी गर्न सफल अग्रणी बैंकले नारी सशक्तिकरणका लागि विभिन्न समयमा वित्तीय साक्षरता कार्यक्रमहरू आयोजना गर्दै आईरहेको छ । माईती नेपालमा आबद्ध महिलाका लागि आयोजना गरिएको कार्यक्रमले उनिहरूमा वित्तीय ज्ञान प्राप्त भई आत्मनिर्भर बन्न सघाउ पुग्न गई समग्र अर्थतन्त्रमा सकरात्मक प्रभाव पर्ने बैंकको भनाइ छ ।

बैंक र माईती नेपाल दुवै संस्थाले भविष्यमा पनि यस्ता वित्तीय साक्षरता कार्यक्रम तथा अन्य सम्भावित कार्यक्रमको आयोजना गर्ने प्रतिबद्धता समेत जनाएका छन् । एनएमबी दि फिनान्सियल टाईम्स, लण्डनको ‘द ब्यान्कर’ पत्रिकाद्वारा एसियाकै सर्वोत्कृष्ट बैंकको उपाधी ‘बैंक अफदिइयर एसिया २०२१’ उपाधीबाट सम्मानित भएको बैंक हो ।

यस बैंकले सन् २०१७, २०१८, २०२० र २०२१ लागी पनि उक्त पत्रिकाद्वारा चार पटक नेपालकै उत्कृष्ट बैंकको उपाधी ‘बैंक अफदिइयर नेपाल’ प्राप्त गरि सकेकको छ । बैंकले हाल देशभरमा २०१ शाखा, १३८ एटिएम बुथ र ११ एक्सटेन्सन काउन्टरहरू मार्फत उच्चस्तरीय बैंकिङ सेवा प्रदान गदै आइरहेको छ ।


Read Previous

सगरमाथा आरोहणको क्रममा २ नेपाली र १ विदेशी नागरिकको मृत्यु

Read Next

८ हजार मिटर उचाईका ४ हिम श्रृङ्खलाबाट ३० हजार किलो फोहोर संकलन

Leave a Reply

Your email address will not be published.