Nepal Purbadhar

सोमवार, अशोज १७, २०७९
Monday, October 3, 2022

सोमवार, अशोज १७, २०७९
Monday, October 3, 2022

डेढ महिनामा दोस्रो पटक सार्वजनिक सवारी साधनको भाडा वृद्धि, बुधबारदेखि कार्यान्वयन हुने


काठमाडौं । सरकारले ४५ दिनमा दोस्रो पटक अन्तर प्रदेश सञ्चालन हुने लामो दूरीका सार्वजनिक सवारी साधनको भाडादर वृद्धि गरेको छ । भाडादर बुधबारदेखि कार्यान्वयनमा आउने यातायात व्यवस्था विभागले जानकारी दिएको छ । यातायात व्यवस्था विभागले वृद्धि गरेको भाडादर अन्तरप्रदेश चल्ने सवारी साधनको लागि मात्र कार्यान्वयनमा आउनेछ ।

सार्वजनिक नयाँ भाडादर अनुसार यात्रुबाहक सवारीमा साढे ३ प्रतिशतले भाडा वृद्धि गरेको छ । मालवाहक सवारी साधनमा भने पहाडी बाटोमा ४.६ प्रतिशत र तराईको बाटोमा ५.१ प्रतिशतले भाडा वृद्धि गरेको हो ।

वृद्धि भएको भाडादर अनुसार यात्रुले अहिले १ सय रुपैयाँ भाडा तिर्नुपथ्र्यो भने अब १०३.५ रुपैयाँ तिर्नुपर्नेछ । त्यस्तै, पहाडी बाटोमा गुड्ने मालवाहक सवारी साधनमा भने १ सय रुपैयाँ थियो भने १०४.६ र तराईको बाटोमा १०५.१ रुपैयाँ तिर्नुपर्नेछ ।

यसअघि पछिल्लो पटक सरकारले १७ चैत २०७८ मा निर्णय भइ २० चैतदेखि कार्यान्वयन हुने गरी भाडा वृद्धि गरेको थियो । त्यसबेला यात्रुबाहक सवारी साधनको १० प्रतिशतले भाडा वृद्धि गरिएको थियो । त्यस्तै, पहाडी बाटोमा गुड्ने मालवाहक सवारी साधनको १३ प्रतिशत र तराईको बाटोमा गुड्नेको १५ प्रतिशतले भाडा वृद्धि गरेको थियो ।

पेट्रोलियम पदार्थको ५ प्रतिशत मूल्य घटबढ हुनासाथ सवारीसाधनको भाडादर पनि त्यति नै प्रतिशतले घटबढ हुने व्यवस्था अनुसार नयाँ भाडा समायोजन भएको यातायात व्यवस्था विभागका महानिर्देशक घिमिरेले बताए । पेट्रोलियम पदार्थ महँगो भएकाले भाडादर पनि बढेको उनको भनाइ छ ।


Read Previous

आगामी बजेटका प्राथमिकता संसदमा प्रस्तुत, उच्च प्राथमिकतामा पूर्वाधार विकास

Read Next

माथिल्लो कालंगागाडकाे बाँध क्षेत्रमा पानी भरेर परीक्षण,असारदेखि विद्युत उत्पादन

Leave a Reply

Your email address will not be published.