नेपाल पूर्वाधार 
काठमाडौं। काठमाडौँ उपत्यकामा पछिल्लो २४ घण्टामा सवारी नियम उल्लघंन गर्ने दुई हजार ६४१ जना चालक कारबाहीमा परेका छन्। उक्त कारबाहीबाट राज्यकोषमा रु २२ लाख ९६ हजार ५०८ राजस्व सङ्कलन भएको छ।
काठमाडौँ उपत्यका ट्राफिक प्रहरी कार्यालयका अनुसार मादक पदार्थ सेवन (मापसे) गरेका ७९ चालक, नियमविपरीत राइड सेयरिङ गरेका १४७, ट्राफिक सङ्केत बत्ती उल्लघंन गरेका १५४ तथा तीव्र गतिमा सवारी चलाएका १२२ जनालाई कारबाही गरिएको छ।
यस्तै, लेन अनुशासन पालना नगर्ने ११९, निषेधित क्षेत्रमा हर्न बजाउने ११३, सडक पेटीमा सवारी पार्किङ गर्ने ११९, एकतर्फी बाटोमा सवारी चलाउने १०० र अन्य नियम उल्लघंन गर्ने एक हजार ६८८ जना चालकलाई पनि कारबाही गरिएको प्रहरीले जनाएको छ।
