नेपाल पूर्वाधार 
काठमाडौं । मन्त्री परिषदले वैकल्पिक ऊर्जा प्रवद्धर्न केन्द्र (एईपीसी) को कार्यकारी निर्देशकमा नवराज ढकाललाई नियुक्त गरेको छ ।
खुल्ला प्रतिष्पर्धामार्फत मन्त्री परिषदले केन्द्रका नायब कार्यकारी निर्देशक समेत रहेका ढकाललाई नियुक्त गरेको हो । लामो समयदेखि एईपीसीमै कार्यरत ढकाललाई यस क्षेत्रको अनुभवी व्यक्तित्वको रुपमा लिइन्छ ।
२१ जनाले कार्यकारी निर्देशकको लागि आवेदन दिएका थिए । २१ जनामध्ये ढकालसहित जल तथा ऊर्जा आयोगका डा. किरण गौतम र केन्द्रकै डा. सुर्यकुमार सापकोटालाई नियुक्त गर्न मूल्यांकन समितिले मन्त्री परिषदमा सिफारिस गरेको थियो ।
२० बर्ष अघि तालिम अधिकृतको रुपमा एईपीसी प्रवेश गरेका ढकाल सहायक निर्देशक, निर्देशक हुँदै नायब कार्यकारी निर्देशकको जिम्मेवारी पाएका थिए ।
Tags: #AEPC #Navaraj dhakal
