Nepal Purbadhar

शनिबार, असार २९, २०८१
Saturday, July 13, 2024

शनिबार, असार २९, २०८१
Saturday, July 13, 2024

४ महिनामा ३ लाख बढी पर्यटक नेपाल भ्रमणमा आए


काठमाडौं । पछिल्लो ४ महिनामा विश्वका विभिन्न देशबाट ३ लाख बढी पर्यटक नेपाल भ्रमणमा आएका छन् । सन् २०२३ को जनवरीदेखि अप्रिलसम्म ३ लाख २६ हजार पर्यटक नेपाल घुम्न आएका हुन् ।

अप्रिलमा ९८ हजार ७ सय ७३ पर्यटकले नेपाल भ्रमण गरेको नेपाल पर्यटन बोर्डले जनाएको छ । बोर्डका अनुसार सन् २०१९ को अप्रिलको तुलनामा गत महिना नेपाल आउने पर्यटकको संख्या ९०.२८ प्रतिशत बढी हो ।

अप्रिलमा नेपाल आउने पर्यटकमा भारतबाट ३१ हजार ४ सय ३७, अमेरिकाबाट ८ हजार ४ सय १३, बेलायतबाट ५ हजार ४ सय ९, चीनबाट ४ हजार ७ सय ७० जना छन् । यो महिना सार्क रिजनबाट ३५ हजार ४ सय ४३ जना,एसिया रिजनबाट १४ हजार ६ सय ५५ जना,यूरोपबाट २४ हजार ३ सय ९३ जना,ओशिआनियाबाट ४ हजार २ सय २२ जना पर्यटकले नेपाल भ्रमण गरेका छन् ।

यसअघि मार्च महिनाामा पनि ९९ हजार ४ सय २६ पर्यटक नेपाल भ्रमणमा आएको बोर्डको तथ्यांकले देखाएको छ । मार्चमा भारतबाट २५ हजार ९ सय ११,दोश्रोमा ९ हजार ५ सय ५७, बेलायतबाट ६ हजार १ सय ३३, जर्मनबाट ४ हजार १ सय ४९ श्रीलंका ३ हजार ८ सय ९८ जना पर्यटकले नेपाल भ्रमण गरेका थिए ।

सन् २०२३ को पहिलो महिना जनवरीमा ५५ हजार र फेब्रवरी ७३ हजार २ सय ५५ पर्यटकले नेपाल भ्रमण गरेका थिए । जनवरी यता आउने पर्यटकको संख्या क्रमशः बढ्दै गएको बोर्डले जनाएको छ ।

यसअघि सन् २०२२ को अप्रिलमा ६१ हजार ५ सय ८९ जना, सन् २०२१मा २२ हजार ७ सय ३२,पर्यटकले नेपाल भ्रमण गरेका थिए भने सन् २०२१ को सोही महिना २२ हजार ७ सय ३२, सन् २०२० मा १४,र सन् २०१९मा १ लाख ९ हजार ३ सय ९९ जना पर्यटकले नेपाल भ्रमण गरेका थिए ।


Read Previous

डिजिटल रूपान्तरणको बाटोमा   

Read Next

वैकल्पिक ऊर्जा प्रवद्धर्न केन्द्रको कार्यकारी निर्देशकमा ढकाल

Leave a Reply

Your email address will not be published. Required fields are marked *