नेपाल पूर्वाधार 
काठमाडौं । भिजिबिलिटी कम भएपछि त्रिभुवन अन्तर्राष्ट्रिय विमानस्थलबाट हुने उडान र अवतरणमा समस्या देखिएको छ।
भिजिबिलिटी नभएपछि नेपालगञ्ज र मलेसियाबाट आएका विमानहरु अन्यत्र मोडिएका छन्।
नेपालगञ्जबाट आएको श्री एयरको विमानलाई झापाको भद्रपुर विमास्थलमा अवतरण गराइएको छ। यस्तै, मलेसियाबाट आएको नेपाल वायुसेवा निगमको विमानलाई भारतको कोलकता पठाइएको छ।
त्रिभुवन अन्त्राष्ट्रिय विमानस्थलका महाप्रवन्धक प्रेम ठाकुरका अनुसार भिजिबिलिटी कम भएपछि विहान आएका केही विमानहरु यहाँ अवरतण गराउन नसकेर बाहिरतिर डाइभर्ट गरिएको हो ।
मौसममा विस्तारै सुधार हुन लागेकाले अब केही समयपछि आन्तरिक उडानका विमानहरूको उडान र अवतरण सुरु हुने बताइएको छ ।
