नेपाल पूर्वाधार 
काठमाडौं । चश्मा व्यापार र व्यवसायमा संलग्न व्यवसायीले यसमा लाग्दै आएको कर घटाउन माग गरेका छन् । सरकारले पछिल्लो समयमा भन्सारमा करमा लगाउने कर बढाउँदै लगेर दोब्बर पुर्याउन लागेको बताउँदै उनीहरुले यसलाई घटाउन माग गरेका हुन् ।
चश्मा होलसेल व्यवसायी संघ नेपालको दोस्रो साधारणसभामा उनीहरुले चश्मा आयात गर्ने प्रकृया पनि लामो भएको तथा कर पनि बढाउँदै लगेको बताउँदै यसलाई सहजीकरण गर्न सरकारसँग माग गरे । उनीहरुले चश्मा व्यवसायीहरुको लागि सहज नीति तथा अहिले भएका प्रक्रियाहरुलाई सरलीकरण गर्नुपर्ने पनि बताए ।
दोस्रो साधारणसभामा नेपाल चेम्बर अफ कमर्शका राजस्व प्रतिनीधि एवं आरबी कम्प्लेक्स व्यापार संघका अध्यक्ष परशुराम दाहाल, चश्मा व्यवसायीका सल्लाहकारद्धय सोवित थापा र विक्रम खड्का, संघका अध्यक्ष सन्तोष दाहाल लगायतले चश्मा व्यवसायीहरुले सहज तरिकाले व्यवसाय पाउने वातावरण सरकारले निर्माण गर्नुपर्ने बताए ।
संघका सचिव छबिलाल तिमल्सिनाका अनुसार, हाल चश्माको होलसेल व्यवसायमा आवद्ध ५१ जना संघका सदस्य छन् । संघले चश्मा व्यवसायीहरुको हकहित र उनीहरुलाई समस्या पर्दा समाधानका लागि पहल गर्दै आएको छ ।
