नेपाल पूर्वाधार 
काठमाडौं । पछिल्लो ६ महिनामा २ लाख ३७ हजार विदेशी पर्यटकले नेपाल भ्रमण गरेका छन् । सन् २०२२ को जनवरीदेखि जुनसम्मकाे अवधिमा यति पर्यटक नेपाल भ्रमणामा आएका हुन् ।
सन् २०२२ को जुनमा मात्रै ४६ हजार ९ सय ५७ पर्यटकले नेपालकाे भ्रमण गरेकाे नेपाल पर्यटन बोर्डले जनाएकाे छ । बाेर्डका अनुसार जुन महिनाकाे तथ्यांक सहित ६ महिनामा नेपाल भ्रमण गर्ने विदेशी नागरिककाे संख्या संख्या २ लाख ३७ हजार ८ सय १३ पुगेको हो ।
मे महिनामा जुनकाे भन्दा बढी ५३ हजार ६ सय ८ पर्यटकले नेपाल भ्रमण गरेका बाेर्डकाे तथ्यांक छ । सन् २०२२ को जनवरीमा १७ हजार, फेब्रुअरि २० हजार, मार्चमा ४२ हजार,अप्रिलमा सबैभन्दा बढी ५८ हजार पर्यटकले नेपालमा भ्रमण गरेका थिए ।
यो संख्या नेपाल भ्रमणका लागि हवाई मार्ग हुँर्दै नेपाल भित्रिएका पर्यटककाे मात्रै भएको बाेर्डले जनाएको छ । काेराेना महामारीका बीच सन् २०२२ देखि नेपालमा पर्यटक आगमनमा सुधार हुँदै आएको देखिन्छ । जनवरीपछिदेखि नै नेपालमा पर्यटन आगमनदरमा क्रमिक सुधार हुँदै गएकाे देखिन्छ ।
जुनमा भारतबाट २३ हजार २ सय ४८, अमेरिकाबाट ८ हजार ३ सय ५१, बंगलादेशबाट २ हजार ५९,बेलायतबाट,२ हजार,अष्ट्रेलियाबाट १ हजार ४ सय जनाले नेपाल भ्रमण गरेका छन् । याे महिनामा सार्कबाट २६ हजार ,आसियानबाट, २३ सय,यूरोपबाट ४ हजार ७ सय,अमेरिकन रिजनबाट ८ हजार ९ सय पर्यटककले नेपाल भ्रमण गरेको नेपाल पर्यटन बोर्डले जनाएको छ ।
६ महिनामा नेपाल भ्रमण गर्ने पर्यटक
जनवरी –१७ हजार
फेब्रोअरी –२० हजार,
मार्च –४२ हजार,
अप्रिल –५८ हजार
मे –५३ हजार
जुन – ४६ हजार
स्राेतः नेपाल पर्यटन बाेर्ड
