Nepal Purbadhar

शनिबार, अशोज १५, २०७९
Saturday, October 1, 2022

शनिबार, अशोज १५, २०७९
Saturday, October 1, 2022

पहिलोपटक विज्ञापन उत्पादन, प्रकाशन, प्रसारण र वितरणसम्बन्धी आचारसंहिता


काठमाडौं । विज्ञापन बोर्ड नेपालले पहिलोपटक विज्ञापन उत्पादन, प्रकाशन, प्रसारण र वितरण सम्बन्धी आचारसंहिता तयार गरेको छ ।

८ महिना अघि मस्यौदा तयार गरेर सबै सरोकारवालाहरुको सुझावको आधारमा तयार पारेको सो आचारसंहितामा विज्ञापन उत्पादन, प्रकाशन, प्रसारण र वितरण सम्बन्धी काम गर्ने व्यक्तिले पालना गर्नुपर्ने आचारसंहिताबारे उल्लेख छ ।

आइतबार सार्वजनिक गरिएको आचारसंहिता आईतबार देखिनै लागु भएको बोर्डका अध्यक्ष लक्ष्मण हुमागाईले जानकारी दिए । ‘पटक पटक सबै सरोकारवालासँग छलफल गरी यो आचारसंहिता तयार गरेर सार्वजनिक गरेका छौ ।’–उनले भने–‘यसले विज्ञापन व्यवसायलाई तटस्थ, मर्यादित, जिम्मेवारी र जवाफदेही बनाउने काम गर्छ ।’ उनले विज्ञापन आचारसंहिताले पारदर्शीता बढाउने बताउँदै बोर्डले विज्ञापन सम्बन्धी राष्ट्रिय नीतिको मस्यौदा तयार गरी छलफल गर्न लागेको पनि जानकारी दिए ।

आचारसंहितामा विज्ञापन व्यवसायमा संलग्न व्यक्तिको आचारणका साथै सामाजिक मर्यादा र सद्भावना सम्बन्धी, उपभोक्ता हित र प्रतिष्पर्धासम्बन्धी, स्थलगत विज्ञापन सम्बन्धी, उत्पादन सम्बन्धी, वितरण सम्बन्धी, भुक्तानी लगायत सम्बन्धी आचरणबारे उल्लेख छ ।

आचारसंहिताको सार्वजनिक गर्दै सञ्चार तथा प्रविधि मन्त्री ज्ञानेन्दबहादुर कार्कीले आचारसंहिता कार्यान्वयन गर्न सकिए मात्र यो आचारसंहिता ऐतिहासिक हुन सक्ने बताए ।

कार्यक्रममा मिडिया सोसाइटीका महासचिव मदन लम्साल र नेपाल विज्ञापन संघका अध्यक्ष सोम धितालले आचारसंहिता आफूहरुसँगको सुझावको आधारमा निर्माण भएको बताउँदै यसलाई आफूहरुले पालना गर्ने बताए ।

कार्यक्रममा प्रेस काउन्सिलका अध्यक्ष बालकृष्ण बस्नेत, नेपाल पत्रकार महासुंघका अध्यक्ष विपुल पोखरेल, बरिष्ठ पत्रकार बबिता बस्नेत लगायतले आचारसंहिता आउनु ऐतिहासिक भएको बताए ।


Read Previous

६ महिनामा २ लाख ३७ हजार पर्यटकले नेपाल भ्रमण गरे

Read Next

‘स्थानीय तह योजना निर्माण र कार्यान्वयन पारदर्शी हुनुपर्छ’

Leave a Reply

Your email address will not be published.