नेपाल पूर्वाधार 
काठमाडौ । प्रदेश १ का आर्थिक मामिला तथा योजना मन्त्री इन्द्रबहादुर आङ्बोले आगामी आर्थिक वर्ष २०७९/८० का लागि ३९ अर्ब ७३ करोड ८३ लाख रूपैयाँ बजेट प्रस्तुत गरेका छन् ।
आन्तरिक राजस्व आम्दानीबाट चार अर्ब ९८ करोड ४५ लाख मात्र आम्दानी हुने प्रक्षेपणसहित मन्त्री आङ्बोले सो बजेट प्रस्तुत गरेका हुन् । बजेटमा राजस्व बाँडफाँडबाट ११ अर्ब ८८ करोड १४ लाख, संघबाट प्राप्त हुने वित्तीय समानीकरण अनुदानबाट ९ अर्ब ८२ लाख र सशर्त अनुदानबाट ८ अर्ब ६९ करोड बजेट प्राप्त हुने अनुमान गरिएको छ ।
प्रदेश–१ को कुल बजेटमध्ये ५० प्रतिशत अर्थात १९ अर्ब ८८ करोड ८६ लाख पूर्वाधारका क्षेत्रमा मात्र छ । सार्वजनिक बजेट अनुसार, सडक पूर्वाधार तथा सहरी विकासका लागि १२ अर्ब ४१ करोड ८२ अर्ब छ भने खानेपानी, सिञ्चाई तथा ऊर्जाका लागि ६ अर्ब २ करोड ५६ लाख छ ।
यसैगरी पर्यटन तथा संस्कृति मन्त्रालयका लागि १ अर्ब १३ करोड ८६ लाख तथा यातायात सेवा, सवारी साधन, सूचना तथा प्रविधिको लागि ३० करोड ५० लाख बजेट विनियोजन गरिएको छ ।
बजेटको पूर्ण पाठ: province budget 1
