नेपाल पूर्वाधार 
काठमाडौ । ब्राण्डवर्थ प्रालिले फोन पे डिजिटल इकोनोमी कन्क्लेभ २०२२ आयोजना गर्ने भएको छ ।
पछिल्लो समय मुुलुकको अर्थतन्त्रको डिजीटाइजेसनको तीब्रतालाई मध्यनजर गर्दै आगामी २० जेठमा कन्क्लेभ आयोजना गर्न लागेको हो ।
कन्क्लेभको सो दोस्रो सस्करणमा ‘बदलिदो समय, बदलिदो अर्थतन्त्र’, ‘क्रिएटिङ इम्प्याक्ट्स द्याट लास्ट’, ‘नेपाल–साना बजार कि असिमित सम्भावना ?’ तथा ‘नेपाली युनीकर्न कहिले ?’ भन्ने विषयमा चार सत्रहरुमा सघन अन्तरक्रिया र बहस हुनेछन् ।
चार सत्रहरुमा नेपाली डिजीटल अर्थतन्त्रका प्रमुख सरोकारवालाहरु निकायका प्रतिनीधिहरुको सहभागिता हुने प्रालिका प्रमुख कार्यकारी अधिकृत मोहन गजुरेलले जानकारी दिए । उनका अनुसार, काठमाडौंमा जेठ २० गते काठमांडौस्थीत होटल सोल्टीमा आयोजन हुन गइरहेको छ ।
कन्क्लेभमा भिसाको दक्षिण एशिया र भारतका लागी ग्रुप कन्ट्री म्यानेजर सन्दीप घोष तथा नेपाल राष्ट्र बैंकका गर्भनर महाप्रसाद अधिकारीद्धारा कि–नोट स्पीच दिने कार्यक्रम छ ।
कार्यक्रममा नेपालको डिजीटल विकासका बारेमा अर्थमन्त्री जनार्दन शर्मा र सन्चार तथा सुचना प्रविधी मन्त्री ज्ञानेन्द्र बहादुर कार्कीसंगको बेग्लै सत्र सञ्चालन हुने कार्यक्रम छ ।
कोभिड १९ प्रभावबाट सामान्यकृत हुदै गएको आर्थिक गतिविधी र जनजिवनमा डिजीटाइजेसनलाई कसरी आर्थिक बृद्धि र सामाजिक न्याय प्राप्तीका लागी प्रयोग गर्ने भन्नेबारेमा कार्यक्रम केन्द्रित हुने प्रमुख कार्यकारी अधिकृत गजुरेलले जानकारी दिए ।
