नेपाल पूर्वाधार 
काठमाडौं । बाणिज्य बैंकहरूले बैंकिङ प्रणालीमा अधिक तरलता हुँदा पनि निक्षेपभन्दा कर्जाको माग न्यून भएपछि माघ महिनाका लागि ब्याजदर घटाएका छन् । अधिकांश बाणिज्य बैंकहरूले अधिक तरलता हुँदा समेत कर्जाको माग तत्काल बढ्ने अवस्था नदेखेपछि निक्षेपको ब्याजदर घटाएर समायोजन गरेका हुन् ।
अहिले सञ्चालनमा रहेका २० मध्ये १८ वटा वाणिज्य बैंकको माघ महिनाको व्यक्तिगत मुद्दती खातामा राखिने निक्षेपको ब्याजदर घटाइएको छ । सबैभन्दा कम सिटिजन्स बैंकको ब्याजदर घटेको छ । पुस महिनामा ९.३५ प्रतिशत रहेको ब्याजदर माघ महिनाका लागि ९.१५ प्रतिशत कायम गरिएको छ । सबै बाणिज्य बैंककोभन्दा निक्षेपकर्ताका लागि दिइएको यो बढी ब्याजदर हो ।
कृषि विकास बैंकले ९.०१२ प्रतिशत रहेको ब्याजदर घटाएर ७.२६ प्रतिशतमा झारेको छ । यो सबै बाणिज्य बैंक मध्ये निक्षेपकर्तालाई दिइएको सबैभन्दा कम ब्याजदर हो ।
नेपाल बैंक लिमिटेडले पुस महिनामा ८.५५६ प्रतिशत रहेको ब्याजदर घटाएर ८ प्रतिशतमा ल्याएको छ । लक्ष्मी सनराइज र माछापुच्छ«े बैंकले पनि ९ प्रतिशत रहेको ब्याजदरलाई घटाएर ८ प्रतिशत कायम गरेका छन् ।
यस्तै, एनआइसी एसियाले ८.६७ बाट ८.०६५ प्रतिशत, प्रभुले ९ बाट ८.०६५ प्रतिशत, स्टान्डर्ड चार्टडले ८.६५बाट ८.०७ प्रतिशत, राष्ट्रिय बाणिज्य बैंकले ८.६१ बाट ८.०७ प्रतिशत, नबिलले ८.८.६ बाट ८.१ प्रतिशत, ग्लोबल आइएमईले ८.६ बाट ८.१ प्रतिशत र सिद्धार्थले ९.२५ बाट ८.१ प्रतिशतमा ब्याजदर झारेका छन् ।
यसैगरी, प्राइम कमर्सियलले १० बाट ८.१ प्रतिशत, कुमारीले ९.३१ बाट ८.११ प्रतिशत, सानिमाले ९ बाट ८.१५ प्रतिशत, हिमालयनले ८.६०३ बाट ८.१५ प्रतिशत, नेपाल एसबिआइले ९.६ बाट ८.२५ प्रतिशत, नेपाल इनभेष्टमेन्टले ९.५ बाट ८.६ प्रतिशतमा घटाएर ब्याजदर समायोजन गरेका छन् ।
एनएमबी बैंक र एभरेष्ट बैंकले पुस महिनाको ब्याजदरलाई नै माघ महिनामा पनि निरन्तरता दिने भएका छन् । एनएमबीको पुस महिनाको ब्याजदर ९ प्रतिशत रहेकोमा त्यसैलाई कायम गरिएको छ भने एभरेष्ट बैंकको पुसमा निक्षेपको ब्याजदर ८ प्रतिशत रहेकोमा माघ महिनामा यही तरलाई निरन्तरता दिइएको छ ।
नेपाल राष्ट्र बैंकले व्यक्तिगत मुद्दती खाताको निक्षेपको ब्याजदरको अधिकतम सीमा र बचतको न्यूनतम ब्याजदरबीचको अन्तर ५ प्रतिशत भन्दा बढी नहुने व्यवस्था गरेको छ । यही नियम अनुसार नै बचत र कल निक्षेपको ब्याजदर पनि समायोज हुने गर्दछ ।
