Nepal Purbadhar

बुधबार, अशोज १२, २०७९
Wednesday, September 28, 2022

बुधबार, अशोज १२, २०७९
Wednesday, September 28, 2022
नेपाली कांग्रेसको ऊर्जा नीति र चुनावी घोषणापत्रमा समेट्नु पर्ने मुद्दा ८ वर्षभित्र ३३ लाख घरधुरीमा विद्युतीय चुल्हो पुर्याउने कार्ययोजना निर्माण सुदूरपश्चिम प्रदेश राजधानी घोषणाका ४ वर्षमा पनि पूर्वाधारका काम अघि बढन सकेनन् अन्नपूर्ण पदमार्गमा पर्यटकीय चहलपहल बढ्दै, २०२२ मा अहिलेसम्म ७ हजार २१३ विदेशी पर्यटक आए बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले

२५ सय सर्किट किलोमिटरका साढे ३ दर्जन प्रसारण लाइन निर्माणमा जाँदै


काठमाडौं । नेपाल विद्युत प्राधिकरणले साढे ३ दर्जन उच्च क्षमताका विद्युत प्रसारण लाइन आयोजना निर्माणमा लैजाँदैछ । प्राधिकरणले प्रसारण तथा वितरण प्रणालीको गुणस्तर सुधार गर्ने एवं आफ्ना र निजी क्षेत्रले निर्माण गर्ने जलविद्युत आयोजनाको विद्युत प्रवाह गर्ने उद्देश्यले ४२ वटा प्रसारण लाइन आयोजना निर्माणको प्रस्ताव गरेको हो ।

विभिन्न जिल्लामा निर्माण प्रस्ताव गरिएका यी प्रसारण लाइन आयोजना ४०० केभी, २२० केभी र १३२ केभी क्षमताका भएको प्राधिकरणले जनाएको छ । प्रसारण निर्देशनालय र आयोजना व्यवस्थापन निर्देशनालय अन्तर्गत अघि बढ्न लागेका यी प्रसारण लाइन सम्पन्न हुँदा ४ हजार ७ सय ३१ सर्किट किलोमिटर बराबरको प्रसारण संरचना तयार हुने प्राधिकरणले जनाएको छ ।

प्राधिकरणका अनुसार प्रसारण निर्देशनालय अन्तर्गत २८ प्रसारण लाइन आयोजना निर्माणमा जाँदैछन् । प्रसारण निर्देशनालय अन्तर्गत अघि बढ्न लागेका यी प्रसारण लाइन आयोजना २४ सय ९१ सर्किट किलोमिटर बराबरको छ ।

यी मध्ये ४०० केभी क्षमताका प्रसारण लाइन आयोजना ६ वटा छन् । ४०० केभी उच्च क्षमताका प्रसारण लाइन आयोजनाको कूल लम्बाई १ हजार ९० सर्किट किलोमिटर छ ।

यस्तै, प्रसारण निर्देशनालय अन्तर्गत नै २२० केभी क्षमताका ४ वटा प्रसारण लाइन निर्माणको प्रस्ताव गरिएको छ । यी प्रसारण लाइन आयोजना २५१ सर्किट किलोमिटरका छन् । सबैभन्दा बढी १३२ केभी क्षमताका १८ वटा प्रसारण लाइन आयोजना निर्माणमा जाने तयारी अवस्थामा रहेको प्राधिकरणले जानकारी दिएको छ । १३२ केभी क्षमताका यी प्रसारण लाइन आयोजनाको कूल लम्बाई ११ सय ५० सर्किट किलोमिटर छ ।

आयोजना व्यवस्थापन निर्देशनालय अन्तर्गत पनि २४ सय ४० सर्किट किलोमिटरका १४ प्रसारण लाइन आयोजना निर्माणमा जाँदैछन् । जसमा ४०० केभी क्षमताका ९ प्रसारण लाइन आयोजना निर्माणका लागि प्रस्ताव गरिएको छ । यी प्रसारण लाइन आयोजना १ हजार ९ सय २० सर्किट किलोमिटर लम्बाईका छन् ।

यस्तै, १३२ केभी क्षमताका ५ प्रसारण लाइन आयोजना यो निर्देशनालयले अगाडि बढाउँदैछ । यी प्रसारण लाइन आयोजनाको लम्बाई ३२० सर्किट किलोमिटर रहेको प्राधिकरणले जनाएको छ । प्राधिकरणका अनुसार दुवै निर्देशनालय अन्तर्गत निर्माण प्रस्ताव गरिएका यी प्रसारण लाइन आयोजना अहिले अध्ययनको विभिन्न चरणमा छन् ।

प्रसारण निर्देशनालय
४०० केभी प्रसारण लाइन सर्किट किलोमिटर
१. केरुङ–चिलिमे हब–रातमाटे १४०
२. भेरी कोरिडोर ५०
३. अरुण–इनरुवा–अनारमनी ४६०
४. अरुण–दूधकाेसी–तिङ्ला २३०
५. दूधकाेसी–ढल्केबर १७०
६. न्यू बुटवल–गाेरखपुर ४०
२२० केभी प्रसारण लाइन
१. गल्छी–रातमाटे ३४
२. लेखनाथ–दमाैली ९०
३. धाैवडी फलाम उद्येग २१

स्राेतः नेपाल विद्युत प्राधिकरण

आयोजना व्यवस्थापन निर्देशनालय
४०० केभी प्रसारण लाइन सर्किट किलोमिटर
१. निजगढ–हेटाैंडा १५०
२. न्यू बुटवल–लमही ३००
३. लमही–न्यू काेहलपुर १८०
४. न्यू काेहलपुर–दाेधारा १९०
५. दाेधारा–न्यू अत्तरिया १८०
६. तिङ्ला हब–लिखु हब–न्यू खिम्ती ११०
७. न्यू खिम्ती–तामाकाेसी–३–सुनकाेसी हब–ढल्केबर २२०
१. बूढीगण्डकी काेरिडेर १९०
२. दमाेली–कुस्मा–बुर्तिबाङ–बफिकाेट ४००
३. धाैवडी फलाम उद्येग २१
१३२ केभी प्रसारण लाइन
१. छिन्चु–सुर्खेत ५०
२. दैलेख–कालीकाेट–जुम्ला १५०
३. लामाेसाँघु–रामेछाप ८०
४. चाेभार–लगनखेल १०
काेहलपुर–नेपालगन्ज २०

स्राेतः नेपाल विद्युत प्राधिकरण


Read Previous

पश्चिम सेती र सेती नदी-६ निर्माण गर्न एनएचपिसीसँग समझदारी,२ वर्षमा अध्ययन सक्नु पर्ने

Read Next

कोइरालाकाे नेतृत्वमा सोसाइटी अफ नेप्लिज इन्जिनियर्स इन युकेकाे नयाँ कार्यसमिति चयन

Leave a Reply

Your email address will not be published.