Nepal Purbadhar

आइतवार, अशोज १६, २०७९
Sunday, October 2, 2022

आइतवार, अशोज १६, २०७९
Sunday, October 2, 2022

वितरण केन्द्र स्थापनापछि सुनापति क्षेत्रका ५ हजार ग्राहकलाई सुविधा


काठमाडौं । रामेछाप जिल्लाको सुनापति ४, डहुमा उप वितरण केन्द्रको स्थापना भएको छ । केन्द्रको स्थापनासँगै यस क्षेत्रका ५ हजार विद्युत उपभोक्तालाई सुविधा पुगेको छ ।

यसअघि विजुलीको बिल तिर्न जिल्ला सदरमुकाम रामेछाप जानुपर्ने बाध्यता अब हटेको रामेछाप वितरण केन्द्र प्रमुख कृष्णहरि दाहालले बताए । ‘यसको साथै विद्युत लाइन विग्रीएमा मर्मत सम्भार गर्ने व्यवस्थासमेत गरिएको छ’ उनले भने । यस वितरण केन्द्रको स्थापनाले यस क्षेत्रमा गुणस्तरीय विद्युत उपलब्ध गराउन सहयोग पुग्नेछ ।

उपकेन्द्रको उद्घाटन नेपालका लागि बंगलादेशका राजदुत सलाहुद्दिन नोमान चौधरी र नेपाल विद्युत् प्राधिकरणका कार्यकारी निर्देशक कुलमान घिसिङले गरे । उपकेन्द्रको उद्घाटन गर्न पुगेका बंगलादेशी राजदुत, नेपाल विद्युत प्राधिकरणका अधिकारीलगायतका पाहुनाहरुलाई स्थानीयले स्वागत गरेका थिए ।


Read Previous

अमरपुर-ढुंगेसाँघु र गोदक-सोयाक प्रसारण लाइन निर्माण हुने

Read Next

१० मन्त्रालयको बेरुजु मात्रै संघीय कार्यालयहरुको कुल बेरुजुको ८९ प्रतिशत (पूर्ण प्रतिवेदनसहित)

Leave a Reply

Your email address will not be published.