नेपाल पूर्वाधार 
काठमाडौ । जीसेभेनको शिखर सम्मेलनमा अमेरिकी राष्ट्रपति बिडेन र जीसेभेनका नेताहरूले ६ सय अर्थ डलर अर्थात साढे ७ सय खर्ब नेपाली रुपैयाँ बारबरको विश्वव्यापी पूर्वाधार कार्यक्रमको घोषणा गरेका छन् ।
निम्न र मध्यम आय भएका देशहरूको विशाल पूर्वाधार आवश्यकताहरू पूरा गर्न भन्दै राष्ट्रपति बिडेन र जीसेभेनका नेताहरुले यस्तो साझेदारी घोषणा गरिएको हो ।
आइतबार अमेरिकी राष्ट्रपति बिडेनले विश्वव्यापी पूर्वाधार र लगानीका लागि साझेदारी कार्यक्रम औपचारिक रुपमा घोषणा गर्दे यसले पूर्वाधार क्षेत्रमा विश्वव्यापी उत्कृष्ट अभ्यास, पारदर्शीता, समझदारीका साथै वातावरण र श्रमिकको संरक्षणमा योगदान दिने बताए ।
उनले पाँच बर्षभित्र अमेरिकाले सार्वजनिक निजी क्षेत्रका लागि २ सय बिलियन डलरको साझेदारी गर्ने बताउँदै जीसेभेनसँगको समन्वयमा सन् २०२७ भित्र ६ सय अर्ब डलर परिचालन गर्ने उल्लेख गरे ।
साझेदारी अन्र्तगत दिगो विकासका लागि स्वास्थ्य र यसको सुरक्षा, डिजिटल कनेक्टिभीटी, लैंगिक समाता र समानता, वातवारण र ऊर्जा सुरक्षा लगायतका लगानी गर्ने लक्ष्य राखिएको छ ।
राष्ट्रपति बिडेनले शिखर सम्मेलनमा दिएको जानकारी अनुसार, अफ्रिका, एशिया र ल्याटि अमेरिकामा सुरक्षित पूर्वाधार विकासका लागि ३ करोड ५० लाख डलर पुुँजी परिचालन गरिनेछ ।
जीसेभेनले घोषणा गरेको विश्व व्यापी पूर्वाधार कार्यक्रमलाई चीनले अघि सारेको बेल्ट एण्ड रोड इनिसेटिभको सामना गर्नका लागि ल्याइएको कार्यक्रमको रुपमा एजेन्सीहरुले चित्रण गरेका छन् ।
