Nepal Purbadhar

मङ्लबार, माघ १७, २०७९
Tuesday, January 31, 2023

मङ्लबार, माघ १७, २०७९
Tuesday, January 31, 2023
यातायात मजदुरले बुझाए उपप्रधानमन्त्री श्रेष्ठलाई ज्ञापनपत्र दुई पाङ्ग्रे सवारी चलाउदा पछाडि बस्नेलाई पनि हेल्मेट अनिवार्य गर्ने तयारी अर्थ मन्त्रालयद्वारा साढे १० अर्ब बचत हुने गरी खर्च कटौती गर्ने निर्णय राष्ट्रिय गौरवका आयोजनाको कारुणिक तस्वीरः ३५ वर्षमा पनि नबन्दा साढे १२ सय प्रतिशतसम्म लागत वृद्धि (विस्तृतमा कुन परियोजनाको कति लागत बढ्यो ?) एकिकृत यातायात पूर्वाधार विकाससम्बन्धी अन्तर्राष्ट्रिय सम्मेलन यही हप्ता काठमाडौमा भैरहवाबाट ढाका उडान सुरु गर्न बंगलादेशका राजदूतसामू आग्रह ४ महिनामा इङ्वाखोलाको विद्युत प्रसारण प्रणालीमा आउँदै यस वर्ष विश्व मुद्रास्फीति दर ६.६ प्रतिशत पुग्ने आइएमएफको प्रक्षेपण

३० वर्ष पुराना जीर्ण अवस्थाका १४ विद्युतीय पोल नारायणी पुलबाट हटाइयो


काठमाडौं । नेपाल विद्युत प्राधिकरणले जीर्ण अवस्थामा पुगेका ३० वर्ष पुराना १४ वटा विद्युतीय पोल नारायणी पुलबाट हटाएको छ । प्राधिकरण भरतपुर वितरण केन्द्रले जीर्ण अवस्थाका पोल ढलेर दुर्घटना निम्तने अवस्था आएपछि पुल पसिरबाट हटाएको हो ।

ठूलो संख्यामा कामदार खटाएर जीर्ण अवस्थाका फलामका विद्युतीय पोल काटेर निकालिएको वितरण केन्द्र प्रमुख राजीव सिंहले बताए । ‘पुरानो लाइनका विद्युतीय पोलहरू कतै ढलेका र कतै ढल्ने अवस्थामा पुगेका रहेछन्,’ उनले भने, ‘भोलिको दिनमा कुनै दुर्घटना ननिम्तियोस् भनेर २ वटा क्रेनको सहायतामा हटाएका छौं ।’

उनले यो जिम्मेवारी आफ्नो कार्यालय मातहतमा नआउने भए पनि महानगरबासीको सुरक्षालाई ध्यानमा राखेर सबै पोलहरू पुल परिसरबाट हटाइएको बताए । यो क्षेत्र प्राधिकरणको कावासोती वितरण केन्द्र अन्तर्गत पर्छ ।

यी सबै सडक बत्तीका विद्युतीय पोल भएको र अहिले सञ्चालनमा नरहेको उनले बताए । सडकको विद्युतीकरणका लागि महानगरपालिकाले वर्षौअघि यी पोलहरू गाडेको थियो ।

‘विद्युतको काम भनेपछि प्राधिकरणको जिम्मेवारीभित्र पर्ने काम भनेर बुझिन्छ । कावासोतीको क्षेत्रमा पर्ने भए पनि दुवै वितरण केन्द्र प्राधिकरणकै हुन् । त्यसकारण सामाजिक उत्तरदायित्व बहन गरी पोल हटाउने कामलाई जिम्मेवारी सम्झेर बहन गरेका हौं’ उनले भने ।

हावाहुरीले क्षतिग्रस्त पोल बदली गरी आपूर्ति नियमित

वितरण केन्द्रले गत जेठ ५ गते आएको भीषण हावाहुरीले क्षतिग्रस्त विद्युतीय पोल बदली गरी विद्युत आपूर्ति नियमित गरेको छ । हावाहुरीले भरतपुर क्षेत्रका २४० विद्युतीय पोलमा क्षति पुर्याएकोमा ढलेका पोल सबै बदली गरिएको सिंहले जानकारी दिए ।

उनका अनुसार चर्किएर ढल्ने अवस्थामा पुगेका जोखिमयुक्त पोलहरू पनि बदल्ने कार्य भएरहेको छ । पोल फेर्नेक्रममा २ सय बढी विद्युत मिटरमा क्षति पुगेकाले सबै मिटर निशुल्क बदली गरिएको पनि सिंहले बताए ।

अहिले भरतपुरका विभिन्न स्थानमा अवरुद्ध भएको विद्युत आपूर्ति नियमित भइसकेको छ । महानगरपालिकाकी नवनिर्वाचित मेयर रेणु दाहालले हावाहुरीले क्षतिग्रस्त पोल तथा विद्युत मिटरको अवलोकन गरी चाँडो बदली गरी आपूर्ति सुचारु गर्न वितरण केन्द्रलाई निर्देशन दिएकी थिइन् ।


Read Previous

तारा एयरको विमान दुर्घटनास्थलमा १६ जनाको शव भेटियो, पहिचान हुन बाँकी

Read Next

माथिल्लो सानीगाडकाे बाँध क्षेत्रका संरचना परीक्षण

Leave a Reply

Your email address will not be published.