नेपाल पूर्वाधार 
काठमाडौं। नेपाल प्रिमियर लिग (एनपीएल) अन्तर्गत आजको पहिलो खेलमा लुम्बिनी लायन्सले जनकपुर बोल्ट्सलाई १५० रनको लक्ष्य दिएको छ।
कीर्तिपुरस्थित टीयू क्रिकेट मैदानमा टस हारेर पहिले ब्याटिङ गरेको लुम्बिनीले निर्धारित २० ओभरमा ८ विकेट गुमाउँदै १४९ रन बनायो। अन्तिम २ ओभरमा २४ रन जोड्दै लुम्बिनीले प्रतिस्पर्धात्मक योगफल तयार पारेको हो।
लुम्बिनीका कप्तान रोहित पौडेलले सर्वाधिक ३४ रन बनाए। त्यस्तै निरोशन डिक्वेलाले २७, दिलिप नाथले २५ र आशिफ शेखले २१ रनको योगदान दिए।
लुम्बिनीका ओपनर डार्सी सर्टलाई ललित राजवंशीले पहिलो बलमै आउट गर्दै जनकपुरलाई सुरूआती सफलता दिलाएका थिए।
जनकपुरका विशाल सुस्लिङ र राहुल यादवले समान २ विकेट लिए। ललित राजवंशी, हरमीत सिंह र अभिषेक तिवारीले १-१ विकेट हात पारे।
