नेपाल पूर्वाधार 
ललितपुर । ललितपुरको पुल्चोकस्थित राष्ट्रिय मानव अधिकार आयोगको कार्यालय बाहिर धर्नामा बसेका लघुवित्त ऋणीहरू नेपाल सरकारसँग १४ बुँदे सहमति भएपछि आज आ-आफ्नो घर फर्किएका छन्।
नेपाल सरकार र ऋणीहरूका प्रतिनिधिबीच भदौ ६ गते भएको वार्तामा १४ बुँदे सहमति भएपछि लामो समयदेखि जारी धर्ना कार्यक्रम स्थगित भएको हो।
सहमति पश्चात् सरकारले आज बिहान ८:५० बजेदेखि साझा यातायातका बसको व्यवस्था गरी ऋणीहरूलाई आ-आफ्नो गन्तव्यतर्फ पठाएको थियो।
विभिन्न सरकारी निकायका अधिकारीहरूको उपस्थितिमा ३२३ जना ऋणीलाई ८ ओटा बसमार्फत बिदाइ गरिएको हो।
झापा, मोरङ, सर्लाही, महोत्तरी, सिन्धुली, बारा, पर्सा र नवलपरासीलगायत जिल्लाबाट आएका ऋणीहरूलाई सम्बन्धित क्षेत्रतर्फ पठाइएको छ।
सरकारसँग भएको सहमतिपछि धर्ना स्थगित गर्दै ऋणीहरू घर फर्किएका हुन्।
