Nepal Purbadhar

बिहिबार, अशोज १३, २०७९
Thursday, September 29, 2022

बिहिबार, अशोज १३, २०७९
Thursday, September 29, 2022
नेपाली कांग्रेसको ऊर्जा नीति र चुनावी घोषणापत्रमा समेट्नु पर्ने मुद्दा ८ वर्षभित्र ३३ लाख घरधुरीमा विद्युतीय चुल्हो पुर्याउने कार्ययोजना निर्माण सुदूरपश्चिम प्रदेश राजधानी घोषणाका ४ वर्षमा पनि पूर्वाधारका काम अघि बढन सकेनन् अन्नपूर्ण पदमार्गमा पर्यटकीय चहलपहल बढ्दै, २०२२ मा अहिलेसम्म ७ हजार २१३ विदेशी पर्यटक आए बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले

प्राधिकरण उच्च पदस्त कर्मचारीलाई विद्युतीय गाडी, सर्वसाधारणलाई पनि विद्युतीयमा जान आग्रह


काठमाडौं । नेपाल विद्युत प्राधिकरणले उच्च पदस्त कर्मचारीलाई विद्युतीय गाडीको सुविधा दिन सुरु गरेको छ । पहिलो चरणमा खरिद गरिएका ‘टाटा नेक्सन इभी’ को सुविधा १० तह माथिका कर्मचारीलाई दिन सुरु गरिएको हो ।

खरिद गरिएका २० मध्ये १५ वटा विद्युतीय गाडी उपयोगमा आइसकेको प्राधिकरण सामान्य सेवा विभाग प्रमुख विश्वनाथ शर्माले जानकारी दिए । उनका अनुसार देशभित्र विद्युत उत्पादन बढ्दै गएकाले आन्तरिक खपत बढाउने उद्देश्यले एकै पटक ठूलो संख्यामा विद्युतीय गाडी खरिद गरेर सञ्चालनमा ल्याइएको हो ।

‘गत चैतमा खरिद गरिएका अधिकांश विद्युतीय गाडी प्रयोगमा आइसकेका छन्,’ उनले भने, ‘बाँकी रहेका ५ वटा विद्युतीय गाडी पनि आवश्यकता हेरेर उपल्लो तहका कर्मचारीलाई दिँदैछौं ।’ उनले विद्युतीय गाडी चार्ज गर्न बिक्रेता कम्पनीले नै प्राधिकरण परिसरमा चार्जिङ स्टेसन निर्माण गरिदिएको बताए ।

विद्युत उत्पादन, प्रसारण र वितरणको भूमिकामा रहेको प्राधिकरण सर्वसाधारणलाई समेत प्रोत्साहन गर्ने गरी विद्युतीय सवारी खरिदमा गएको शर्माले जानकारी दिए । प्राधिकरणले अब खरिद गर्ने सबै सवारी साधन विद्युतीय मात्रै हुनेछन । केन्द्रीय कार्यालयमा विद्युतीय गाडीको संख्या थपेर यसअघि उपयोगमा रहेका पेट्रोलियम गाडी जिल्लास्थित कार्यालयहरूमा पठाउने प्राधिकरणको योजना छ ।

उनले पेट्रोलियम गाडीलाई विद्युतीय गाडीले प्रतिस्थापन गर्दा, डिजेल र पेट्रोल खरिदमा लाग्ने तथा मर्मत सम्भारमा लाग्ने खर्च कटौती हुँदा प्राधिकरणको आम्दानी बढ्ने दाबी गरे । ‘विद्युतीय गाडी भित्र्याउँदा पेट्रोलियम पदार्थको आयात प्रतिस्थापन त हुन्छ नै । प्रदुषण कम भई पर्यावरण जोगाउन पनि यी गाडीको भूमिका रहन्छ’ उनले भने ।

प्राधिकरणलले विद्युतीय गाडीको सञ्चालन खर्च पेट्रोलियम गाडी भन्दा कम हुने र मर्मत सम्भारको खर्च समेत नआउने हुँदा सर्वसाधारणलाई पनि विद्युतीय गाडीको विकल्पमा जान आग्रह गरेको छ ।

प्राधिकरणले आन्तरिक विद्युत उत्पादन थपिदै गएकाले खपत बढाउन विद्युतीय सवारीको प्रवर्द्धक गर्दै आइरहेको छ । रसिया–युक्रेन युद्धका कारण विश्व बजारमा पेट्रोलियम पदार्थको मूल्यमा भएको वृद्धिको प्रभाव नेपालमा परेको छ । यससँगै विद्युतीय सवारी (दुई पाङ्ग्रे र ४ पाङ्ग्रे) खरिदमा सर्वसाधारणको आकर्षण बढेको छ ।

विद्युतीय गाडीको माग ह्वात्तै बढेपछि बिक्रेताहरूलाई पनि आपूर्ति व्यवस्थापन मिलाउन समस्या हुन थालेको छ । माग बढेकै कारण ग्राहकले विद्युतीय गाडी खरिदका लागि महिनौंसम्म कुर्नु परिरहेको छ ।

प्राधिकरणले देशभरमा विद्युतीय सवारीका लागि ५० वटा सार्वजनिक चार्जिङ स्टेसन निर्माण गरिरहेको छ । निजी क्षेत्रलाई पनि चार्जिङ स्टेसन निर्माणका लागि आह्वान गर्दै आएको छ । अबको माग नै विद्युतीय सवारीको भएकाले पेट्रोलियम प्रतिस्थापनका लागि विद्युत महसुलमा सहुलियत दिएर भए पनि प्रवर्द्धन गर्दै जाने योजना रहेको प्राधिकरणले जनाएको छ ।


Read Previous

कोइला अभावले भारतमा ऊर्जा संकट बढ्दो, दर्जनौं राज्य विद्युत कटौतीको मारमा

Read Next

अहिलेका राजनीतिक दलको सोच र संयन्त्रले लगानी ल्याउन सकिँदैन

Leave a Reply

Your email address will not be published.