नेपाल पूर्वाधार 
काठमाडौं । सहरी विकास मन्त्रालयको बजेटमा बढोत्तरी भएको छ । यो मन्त्रालयको पछिल्ला ५ वर्षको बजेट बिनियोजनलाई तुलना गर्दा आगामी वर्षको लागि सबैभन्दा धेरै छुट्याएको छ ।
अहिलेसम्म सबैभन्दा धेरै ५५ अर्ब १ करोड बजेट चालु आबमा विनियोजन भएको थियो । आगामी आर्थिक वर्षको लागि त्योभन्दा ११ अर्ब १६ करोड रुपैयाले थप बजेट विनियोजन गरिएको तथ्यांकले देखाउँछ ।
संघीय सरकारको कुल बजेटमा सहरी विकास मन्त्रालयको बजेट ३.७७ प्रतिशत रहेको छ । जबकि चालु आर्थिक वर्षमा ३.०७ प्रतिशत मात्र बजेट विनियोजन गरिएको थियो । चालु आर्थिक वर्षभन्दा अघि सहरी विकास मन्त्रालयलाई छुट्याएको बजेट कुल बजेटका ३ प्रतिशतभन्दा न्यून थियो ।
| आर्थिक वर्ष | कुल बजेट | मन्त्रालयको बजेट | कुल बजेटमा मन्त्रालयको अंश |
| २०८०/८१ | १७ खर्ब ५१ अर्ब ३१ करोड | ६६ अर्ब १७ करोड | ३.७७ |
| २०७९/८० | १७ खर्ब ९३ अर्ब ८३ करोड ७३ लाख | ५५ अर्ब १ करोड १९ लाख | ३.०७ |
| २०७८/७९ | १६ खर्ब ४७ अर्ब ५७ करोड ६७ लाख | ४१ अर्ब २० करोड २५ लाख | २.५० |
| २०७७/७८ | १४ खर्ब ७४ अर्ब ६४ करोड ५४ लाख | ३७ अर्ब ८० करोड ८० लाख | २.५६ |
| २०७६/७७ | १५ खर्ब ३२ अर्ब ९६ करोड ७१ लाख | ४० अर्ब ७२ करोड ५३ लाख | २.६५ |
स्राेतः बजेट पुस्तिकाहरू
