सोलुखुम्बुमा २७.९ मेगावाटको मिडल इन्खु निर्माण हुँदै

काठमाडौँ । ऊर्जा, जलस्रोत तथा सिँचाइ मन्त्रालय मातहतको विद्युत विकास विभागले २७.९ मेगावाटको जलविद्युत आयोजना निर्माण अघि बढाउने तयारी गरेको छ।

आयोजना सोलुखुम्बुको सोताङ गाउँपालिका–२ र माप्य दुधकोसी गाउँपालिका–७ मा पर्ने इन्खुखोलामा प्रस्ताव गरिएको छ।

सोताङ गाउँपालिकाको चेपेल गाउँ र माप्य दुधकोसी गाउँपालिका–७ को कार्यालयमा माघ ७ गते सो आयोजनाको वातावरणीय प्रभाव मूल्यांकन (इआइएं)मा सार्वजनिक सुनुवाइ गर्न लागिएको छ।

वन तथा वातावरण मन्त्रालयले आयोजनाको इआइएको क्षेत्र निर्धारण तथा कार्यसूची प्रतिवेदन स्वीकृत गरिसकेको छ।