Nepal Purbadhar

सोमवार, माघ १६, २०७९
Monday, January 30, 2023

सोमवार, माघ १६, २०७९
Monday, January 30, 2023

दैनिक ८ घन्टा विद्युत कतौटीले मारमा पर्यौंः उद्योगी व्यवसायी


काठमाडौं । नेपाल विद्युत प्राधिकरणको वितरण प्रणालीबाट दैनिक ८ घन्टा विद्युत कटौती हुँदा मारमा परेको उद्योगी व्यवसायीहरूले गुनासो गरेका छन् । उद्योग संगठन मोरङ, नेपाल उद्योग परिसंघ (प्रदेश–१) र मोरङ व्यापार संघमा आबद्ध उद्योगी व्यवसायीहरूले अहिले भइरहेको लोडसेडिङले मरणासन्न अवस्थामा पुगेको दुखेसो पोखेका हुन् ।

अहिले विद्युत आपूर्ति हुँदा पनि दैनिक १५ पटकसम्म ट्रिपिङ हुने तथा ८ घन्टासम्म विद्युत कटौती हुने गरेको प्रदेश–१ का उद्योग व्यवसायी आबद्ध ३ वटै संगठनले संयुक्तरूपमा प्रकाशित विज्ञप्तीमा जनाइएको छ ।

बैंक तथा वित्तीय संस्थाको चर्को व्याजदरको समाधान खोजिँदै गरेका बेला पुनः विद्युत आपूर्तिमा अवरोध हुँदा उद्योगहरूलाई बज्रपात थपिएको ३ वटै संगठनले प्रकाशन गरेको संयुक्त विज्ञप्तीमा उल्लेख छ ।

‘पहिले वित्तीय क्षेत्र र अहिले विद्युत क्षेत्रमा समस्या आइलागेको छ । सम्बन्धित सरोकारवालाले समयमा ध्यान पुर्याउन नसकेकाले अहिले उद्योगहरू भगवान भरोसामा चल्नुपर्ने अवस्था आएको छ’ विज्ञप्तीमा भनिएको छ ।

संगठनहरूले उद्योगहरूमा अहिले भइरहेको विद्युत कटौती समस्याको समाधान तत्कालन गर्न पनि माग गरेका छन् । बैंक तथा वित्तीय क्षेत्रमा रहेको तरलता अभावमा पनि सुधार हुने संकेत देखा परेकोमा पूर्वरूपमा स्थिर बनाउन उद्योग सञ्चालनका लागि विद्युत आपूर्ति नियमित गरिनु पर्ने जोड विज्ञप्तिमा दिइएको छ ।


Read Previous

उपत्यकाको पूर्वाधार निर्माणलाई सहज बनाउन मासिक दोस्रो र अन्तिम शुक्रबार सरोकारवालाको बैठक

Read Next

राज्यका निकाय जिम्मेवार नबन्दा जनताले सास्ती पाए, अब चुप बस्दैनौँ : उपप्रधानमन्त्री श्रेष्ठ

Leave a Reply

Your email address will not be published.