Nepal Purbadhar

मङ्लबार, माघ १७, २०७९
Tuesday, January 31, 2023

मङ्लबार, माघ १७, २०७९
Tuesday, January 31, 2023
यातायात मजदुरले बुझाए उपप्रधानमन्त्री श्रेष्ठलाई ज्ञापनपत्र दुई पाङ्ग्रे सवारी चलाउदा पछाडि बस्नेलाई पनि हेल्मेट अनिवार्य गर्ने तयारी अर्थ मन्त्रालयद्वारा साढे १० अर्ब बचत हुने गरी खर्च कटौती गर्ने निर्णय राष्ट्रिय गौरवका आयोजनाको कारुणिक तस्वीरः ३५ वर्षमा पनि नबन्दा साढे १२ सय प्रतिशतसम्म लागत वृद्धि (विस्तृतमा कुन परियोजनाको कति लागत बढ्यो ?) एकिकृत यातायात पूर्वाधार विकाससम्बन्धी अन्तर्राष्ट्रिय सम्मेलन यही हप्ता काठमाडौमा भैरहवाबाट ढाका उडान सुरु गर्न बंगलादेशका राजदूतसामू आग्रह ४ महिनामा इङ्वाखोलाको विद्युत प्रसारण प्रणालीमा आउँदै यस वर्ष विश्व मुद्रास्फीति दर ६.६ प्रतिशत पुग्ने आइएमएफको प्रक्षेपण

नारायणगढ-मुग्लिन सडक खण्डमा शनिबार र आइतबार सवारी आवागमन नरोकिने   


चितवन । नारायणगढ–मुग्लिन सडकखण्डमा शनिबार र आइतबार सवारी आवागमन नरोकिने भएको छ ।  पुल निर्माणका लागि भित्तो काट्नुपर्ने भएकाले यसअघि दिउँसाेकाे समयमा दैनिक ४ घन्टा सवारी आवागमन राेकिने गरेकाे सडक खण्ड मकर संक्रान्ति पर्वका अवसरमा शनिवार र आइतबार नराेकिने भएकाे हाे ।

शनिबार सार्वजिनक विदा तथा आइतबार मकर संक्रान्ति पर्व परेका कारण सवारी आवागमन दिनभर सुचारु रहने जिल्ला प्रशासन कार्यालय चितवनले जनाएकाे छ । जिल्ला प्रशासन कार्यालयका अनुसार मकर सङ्क्रान्ति मेला भर्न पवित्र तीर्थस्थल देवघाटमा भक्तजन टाढा-टाढाबाट आउने हुँदा सडक खण्ड पूर्णरूपमा सञ्चालन गर्न लागिएकाे हाे ।

यसअघि गत पुस ५ गतेदेखि ३० दिनका लागि बिहान ११ बजेदेखि दिउँसो ३ बजेसम्म सडक खण्डमा सवारी आवागमन  रोकेर काम गरिँदै आएको छ ।    सवारी रोकेर काम गर्दा प्रभावकारी भएको सो आयोजना हेर्दै आएको नागढुङ्गा–मुग्लिन सडक आयोजना पश्चिम खण्ड (नारायणगढ–मुग्लिन) का प्रमुख किरण कार्कीले बताए ।

साे सडक खण्डमा निर्माणाधीन  ५ वटा पुलमध्ये ३ वटाको भित्तो काट्ने काम सकिएको छ ।  कार्कीका अनुसार सिमलताल, कालीखोला र नाम्ची खोलाको पुलको काम सकिएको हो ।

चिसेन्जी र तुइन खोलाको पुलको भित्तो काट्न बाँकी छ । तुइनको दायाँपट्टिको भित्तो ३० प्रतिशत मात्र काटिएको छ भने चिसेन्जीको ७० प्रतिशत काटिएको छ । देब्रेपट्टि दुवै पुलको ६५ प्रतिशत हाराहारी काटिएको छ ।

यी पुलसँगै काम थालिएका ९ पुलकाे निर्माण पूरा भइसकेकाे छ । यसअघिनै सो सडक खण्डका ५ पुल बनिसकेका थिए । ५ वटा पुल निर्माणाधीन छन् ।


Read Previous

विद्युत प्राधिकरणले लप्सीफेदी सबस्टेसनकाे अवराेध हटाउन आन्दोलनरत स्थानीयलाई वार्तामा बोलायो

Read Next

महाकाली लोकमार्ग: बजेट अभाव र प्रक्रियागत उल्झनमै बित्यो एक दशक   

Leave a Reply

Your email address will not be published.