नेपाल पूर्वाधार 
काठमाडाैं । सरकारले हवाई इन्धनकाे मूल्य घटाएपछि हवाई भाडा पनि घटाउने वायुसेवा सञ्चालक संघले जानकारी दिएकाे छ । साेमबार एक विज्ञप्ति जारी गर्दै संघले बुधवार (११ पुस) देखि कार्यान्वयन हुने गरी नयाँ भाडादर कायम गरिने जानकारी दिएकाे छ ।
नेपाल आयल निगमले साेमबारदेखि लागू हुने गरी हवाई इन्धनमा प्रति लिटर २० रूपैयाँका दरले घटाउने निर्णय गरेको थियाे । प्रति लिटर २० रूपैयाँ घट्दा हवाई भाडा दर पनि १ सयदेखि ९ सय रूपैयाँसम्म घट्न जाने विज्ञप्तिमा उल्लेख छ ।
यसले यात्रुलाई राहत प्रदान गर्नेमा संघ विश्वस्त रहेकाे छ । ‘अझै पनि नेपाल आयल निगमले हवाई इन्धनमा अत्याधिक नाफा लिई रहेको र हवाई इन्धनमा पुन मूल्य समायोजन गरेको खण्डमा यात्रु महानुभाबहरुले अझै पनि सस्तो हवाई भाडा दरमा हवाई यात्रा गर्न पाउनेछन’ विज्ञप्तिमा छ ।
