नेपाल पूर्वाधार 
काठमाडौ । भारतीय सरकारी कम्पनी नेशनल हाइड्रो इलेक्ट्रिक पावर कर्पोरेसन (एनएचपीसी) ले ७५० मेगावाटको पश्चिम सेती जलविद्युत आयोजनाको अध्ययन अनुमतिपत्र (लाइसेन्स) का लागि लगानी बोर्ड नेपालमा आवेदन दिएको छ ।
२ भदौ २०७९ मा बोर्ड र एनएचपीसीबीच ४५ भित्र विद्युत अध्ययन अनुमतिपत्रका लागि निवेदन दिने गरी समझदारी भएपनि ४५ अगावै सो आवेदन दिएको हो ।
मंगलबार एनएचपीसीको तर्फबाट बरिष्ठ प्रबन्धक आशिष रञ्जनले लगानी बोर्डका प्रमुख कार्यकारी अधिकृत शुशील भट्टलाई अनुमतिपत्रका लागि आवेदन दिएका छन् ।
समझदारीपछि एनएचपीसीले ७५० मेगावाटको पश्चिम सेती र ४५० मेगावाटको सेती नदी–६ को बिजुली विक्रीका लागि पावर ट्रेड कर्पोरेसन इन्डिया लिमिटेड (पीटीसी) सँग विद्युत खरिदबिक्रीका लागि समझदारी (एमओयू) समेत गरिसकेको छ । साउन २३ मा बसेको मन्त्रिपरिषद बैठकले एनएचपीसीको समझदारीको मस्यौदा स्वीकृत गरेको थियो ।
