नेपाल पूर्वाधार 
काठमाडौं। चालु आर्थिक वर्ष २०८३/८४ को भाद्र ६ गतेसम्म भन्सार विभागले १ खर्ब २ अर्ब रुपैयाँ राजस्व संकलन गरेको छ। सरकारले चालु आर्थिक वर्षका लागि भन्सार विभागलाई ६ खर्ब २८ अर्ब रुपैयाँ वार्षिक राजस्व असुलीको लक्ष्य दिएको छ।
भन्सार विभागका अनुसार भाद्र ६ गतेसम्मको असुलीपछि चालु आर्थिक वर्षमा ५ खर्ब २७ अर्ब रुपैयाँ राजस्व संकलन गर्न बाँकी रहेको छ।
तातोपानी भन्सार कार्यालय केही समयदेखि सञ्चालनमा नरहेको र भोटेकोशीमा आएको बाढीका कारण रसुवा भन्सार कार्यालय पूर्ण रूपमा क्षतिग्रस्त भई सञ्चालनमा नरहेको अवस्थामा पनि भन्सार प्रशासनले १ खर्ब रुपैयाँभन्दा बढी राजस्व संकलन गरेको विभागले जनाएको छ।
विषम परिस्थितिका बाबजुद सम्पूर्ण भन्सार प्रशासनको प्रयासबाट भाद्र ६ गतेसम्म १ खर्ब २ अर्ब रुपैयाँ राजस्व संकलन गर्न सफल भएको विभागको भनाइ छ।
विभागले आगामी दिनमा बाँकी रहेको ५ खर्ब २७ अर्ब रुपैयाँ राजस्व असुलीलाई मुख्य प्राथमिकतामा राखेर काम गर्ने जनाएको छ। राजस्व लक्ष्य पूरा गर्न भन्सार प्रशासनले आफ्नो प्रयासलाई थप केन्द्रित गर्ने विभागले जनाएको छ।
