नेपाल पूर्वाधार 
काठमाडौं । राजनीतिमा आउने तयारीमा रहेकी पूर्व राष्ट्रपति विद्या भण्डारीको सम्पर्क कार्यालयमा मर्मत र सरसफाई सुरु भएको छ ।
पूर्वराष्ट्रपति भण्डारीले आफ्नो सम्पर्क कार्यालय बनाउन भनेर थापागाउँमा भाडामा लिइएको घर अहिले मर्मतको काम भइरहेको छ । उनले विदुर मैनालीको पूरै घर भाडामा लिएकी हुन् ।
अहिले घरको झ्याल, ढोका लगायत अन्य बिग्रेको ठाउँमा मर्मतको काम भइरहेको छ । केही दिनमै सम्पर्क कार्यालयको उद्घाटन गर्ने तयारी छ ।
विद्याले अहिले सम्पर्क कार्यालय राख्नको लागि रोजेको घर २०४८ सालको चुनावमा मदन भण्डारीले प्रचारका लागि प्रयोग गरेका बताइएको छ ।
दुई कार्यकाल राष्ट्रपति भएकी भण्डारी अब सक्रिय राजनीतिमा आउन लागेकी हुन् ।
तस्बिरहरु: नेपाल फोटो लाइब्रेरी
