Nepal Purbadhar

बिहिबार, अशोज १३, २०७९
Thursday, September 29, 2022

बिहिबार, अशोज १३, २०७९
Thursday, September 29, 2022
नेपाली कांग्रेसको ऊर्जा नीति र चुनावी घोषणापत्रमा समेट्नु पर्ने मुद्दा ८ वर्षभित्र ३३ लाख घरधुरीमा विद्युतीय चुल्हो पुर्याउने कार्ययोजना निर्माण सुदूरपश्चिम प्रदेश राजधानी घोषणाका ४ वर्षमा पनि पूर्वाधारका काम अघि बढन सकेनन् अन्नपूर्ण पदमार्गमा पर्यटकीय चहलपहल बढ्दै, २०२२ मा अहिलेसम्म ७ हजार २१३ विदेशी पर्यटक आए बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले

१ महिनामा तयार हुँदै दोर्दी कोरिडोर प्रसारण लाइन,निर्माण सकिएका आयोजनाको विद्युत जोडिने


काठमाडौं । दोर्दी बेसिनका जलविद्युत आयोजनाको विद्युत प्रवाह गर्न निर्माण भइरहेको १३२ केभी दोर्दी कोरिडोर प्रसारण लाइन अबको १ महिनामा तयार हुने भएको छ । गत वर्ष बर्खाको बाढीले क्षतिग्रस्त प्रसारण लाइनको पुनर्निर्माणको काम सम्पन्न हुन लागेको हो ।

बाढीले निर्माण पूरा भइसकेको प्रसारण लाइनको टावर ४ वटा टावर बगाउँदा पुनः निर्माण गर्नु परेको हो । अहिले प्रसारण लाइनको ४ मध्ये २ वटा टावरको पुनर्निमाण सम्पन्न गरी तार समेत तानिसकेको आयोजना प्रमुख रमेश पौडेलले बताए ।

‘बाढीले बगाएपछि प्रसारण लाइनको ४ वटा टावर पुननिर्माण गर्नुपर्ने थियो । ती मध्ये २ वटा टावर खडा भइसकेका छन्,’ उनले भने, ‘अब २ वटा टावर ठड्याउन बाँकी छ । ठेकेदारले १ महिनामा सम्पन्न गरी प्रसारण लाइन सञ्चालनमा ल्याउने प्रतिबद्धता जनाएको छ ।’ उनले प्रसारण लाइनको सबैभन्दा कठिन काम जग हाल्ने भएको र यो काम सम्पन्न भइसकेकाले बाँकी टावर ठड्याएर तार तान्न धेरै समय नलाग्ने बताए ।

बढीले जग्गासहित प्रसारण लाइनको टावर बगाएकाले नयाँ टावर राख्न जग्गा अधिग्रहण गर्नु परेको थियो । बाढीले प्रसारण लाइनको ४ वटा टावरमा मात्रै क्षति गरे पनि जग्गा खरिददेखि उपकरण आयातसम्मको सबै प्रक्रिया पूरा गर्नु परेका कारण सम्पन्न गर्न धेरै समय लागेको पनि पौडेलले बताए ।

प्रसारण लाइनको उपकरण आयात गर्न समेत धेरै समय लागेको उनले जानकारी दिए । अहिलेसम्ममा ३ वटा टावरको उपकरण आयात भइसकेको छ । एउटा टावरको उपकरण आयोजना स्थलमा आइपुग्न बाँकी छ ।

बर्खाको बाढीले प्रसारण लाइनको टावर बगाउँदा ३ करोड रुपैयाँ बढीको आर्थिक क्षति भएको थियो । यो प्रसारण लाइन आयोजना अन्तर्गतको कीर्तिपुर सबस्टेसन निर्माण सम्पन्न भइसकेको छ ।

यो प्रसारण लाइन तयार हुँदा दोर्दी बेसिनमा विद्युत उत्पादनको तयारमा पुगेका जलविद्युत आयोजनाको विद्युत प्रवाह हुनेछ । दोर्दी बेसिनमा २५ मेगावाटको माथिल्लो दोर्दी ‘ए’, २७ मेगावाटको दोर्दी खोला र १२ मेगावाटको दोर्दी–१ आयोजना विद्युत उत्पादनको तयारीमा छन् । ५४ मेगावाटको सुपर दोर्दी ‘ख’ आयोजना पनि निर्माणको अन्तिम चरणमा पुगेको छ ।

दोर्दी बेसिनका आयोजनाको विद्युत मध्यमर्स्याङ्दी जलविद्युत केन्द्रको स्वीचयार्डसम्म पुर्याइनेछ । विद्युत मध्यमर्स्याङ्दीको स्वीचयार्डसम्म पुर्याउन २२० केभी मर्स्याङ्दी कोरिडोरको ६ किलोमिटर प्रसारण लाइन उपयोग हुनेछ ।

मर्स्याङ्दी कोरिडोर प्रसारण लायन तयार भइनसकेका कारण अहिले वैकल्पिकरूपमा मध्यमर्स्याङ्दीको स्वीचयार्डमा जोड्न लागिएको हो । मर्स्याङ्दी कोरिडोर प्रसारण लाइनको ६ किलोमिटर खण्ड निर्माणको अन्तिम चरणमा छ ।


Read Previous

भारतले ७ वर्षमा नवीकरणीय ऊर्जाको हिस्सा २० प्रतिशत विन्दु र भण्डारण ३ प्रतिशत विन्दुले बढाइने

Read Next

‘नबिल सामाजिक उद्यमशिलता’ कार्यक्रमको लागि आवेदन माग

Leave a Reply

Your email address will not be published.