Nepal Purbadhar

सोमवार, माघ १६, २०७९
Monday, January 30, 2023

सोमवार, माघ १६, २०७९
Monday, January 30, 2023

घण्टी बजाएर स्टार्टअप राष्ट्र २०२२ को घोपणापत्र सार्वजनिक


काठमाडौ । घण्टी बजाएर स्टार्टअप राष्ट्र २०२२ को घोपणापत्रको सार्वजनिक गरिएको छ ।

उद्योग, वाणिज्य तथा आपुर्ति मन्त्रालय, नेपाल उद्योग वाणिज्य महासंघ र स्टार्टअप इनोभेसन समिति, पुम नेदरल्याण्ड, इसिमोडल र अन्तरप्रेरणाा कम्पनी लिमीटेडद्धारा सोमबार नेपालमा व्यापार इन्कुभेटर २०२२ को स्थापनाका लागि सोमबार आयोजित सम्मेलनमा घण्टी बजाएर सो सार्वजनिक गरिएको हो ।

सन् २०३० भित्र एक लाख रोजगरी सिर्जना गर्ने उद्देश्यसहित आयोजित सम्मेलनमा उद्योग, वाणिज्य तथा आपुर्ति मन्त्री दिलेन्द्र बडु र मन्त्रालयका सह–सचिव नारायण दवाडी, वाणिज्य महासंघका अध्यक्ष शेखर गोल्छा, पुम अन्र्तराष्ट्रियका इन्कुभेटरका बरिष्ठ संयोजक सीज स्कोमार्कर, इसिमोडका क्षेत्रीय कार्यक्रम प्रबन्धक नन्दकिशोर अग्रवाल र अन्तरप्रेरणाका अध्यक्ष ओमराज भण्डारीले घण्टी बजाएर सो घोषणापत्रको शुभारम्भ भएको जनाऊ दिएका थिए ।

घोषणापत्रले उद्यमशिलता वृद्धि र प्रविधिको स्तरोउन्नतिका लागि नीतिगत व्यवस्था गर्ने, नेपाललाई स्टार्टअप देश निर्माणका लागि उचित वातावरण निर्माण गर्ने लगायतमा जोड दिएको छ ।

कार्यक्रममा बोल्दै मन्त्री बडुले उद्यमी र उत्पादनशिलता वृद्धिमा सरकारले प्रोत्साहन गर्ने बताउँदै सात वटै प्रदेशमा यसको विकासका लागि बजेट बिनियोजन गरिएको जानकारी दिए । स्टार्टअपका लागि निजी क्षेत्रनै अघि बढ्नुपर्ने बताउँदै सरकारले यसका लागि गाउँदेखि शहरसम्म उद्यमीलाई सक्षम बनाउनका लागि सरकारले प्रयत्नशिल रहने बताए ।

उद्योग, वाणिज्य तथा आपुर्ति मन्त्रालयका सह–सचिव नारायण दुवाडीले क्षमता, वित्तिय व्यवस्थापन र प्रविधिको उपयोगमा ठूलो अन्तर रहेको बताउँदै यसलाई पुर्ण गराउनका लागि नीति र कार्यान्वयन दुवै पक्षलाई बलियो बनाउनुपर्ने बताए ।

उद्योग वाणिज्य महासंघका अध्यक्ष गोल्छाले ५० स्टार्टअप बिजनेश र ५० लगानीकर्तामार्फत मात्र उद्यमशिलताको विकास गर्न लागिएको बताउँदै सात वटा इकुभेन्टर स्थापना र सञ्चालनले यसमा धेरै सहयोग गर्ने बताए । देशभित्र उद्यमशिलता विकास गर्न नसकिए विदेशिने युवा नरनेकिने र नेपालको भविष्य अन्धकारतर्फ उन्मुख हुने बताए ।

इसिमोडका क्षेत्रीय प्रबन्धक अग्रवालले भारतमा सन् २०१६ अघि पाँचभन्दा कम स्टार्टअप बिजनेश रहेकोमा अहिले बढेर ७३ हजार पुगेको बताउँदै इसिमोडले हरित हिमालय अर्थतन्त्र विकासमा जोड दिएको बताए ।


Read Previous

सेनासँग फास्ट ट्र्याक तोकिएको समयमा सम्पन्न गर्ने विश्वसनीय कार्यतालिका माग

Read Next

मौद्रिक नीतिले थप तरलता अभाव सिर्जना गर्ने महासंघको भनाइ, पूवार्धार याेजना निर्माण प्रभावित हुने

Leave a Reply

Your email address will not be published.