Nepal Purbadhar

सोमवार, माघ १६, २०७९
Monday, January 30, 2023

सोमवार, माघ १६, २०७९
Monday, January 30, 2023

शनिबार धुलिखेलमा कार्ट्समान्डु हुने


काठमाडौं । आगामी ३२ असार शनिबार धुलिखेलको हिमालयन मोटरल्यान्डका कार्ट्स रेस प्रतियोगिता ‘कार्ट्समान्डु’ हुने भएको छ । सिलालम सिस्टमबाट हुने प्रतियोगितामा कार्ट्सको तालिमप्राप्त नेसनल ड्राइभरहरु सहभागी हुनेछन् ।

नासा नेपालको आयोजनामा हुने प्रतियोगितामा कलेज टु ट्र्याकबाट छानिएका र अन्य तालिम प्राप्त गरी करिव दुई दर्जन सहभागी हुने अपेक्षा गरिएको छ । प्रतियोगिता विजेताहरुलाई अन्तर्राष्ट्रिय प्रतियोगितामा सहभागी गराइने नासा नेपालले जनाएको छ ।

एफआईए एसिया प्यासिफिकको कार्टिङ सिलालमको विधि अनुसार खेलाइने सो प्रतियोगिताको सुरुवातमै प्रतियोगीहरुलाई ओरिएन्टेसन गरिने छ । प्रतियोगितामा तालिम प्राप्त मार्सलहरुले मार्सलिङ गरिने नासा महासचिव सुशील तण्डुकारले बताए ।

अहिले यसका लागि ५ कार्ट्स उपलब्ध छन् । पेट्रोल इन्जिनबाट चल्ने होन्डा जीएक्स २०० सीसीयुक्त यी कार्ट्स फ्रेम ३२ एमएम स्पेसल स्टिल अलोयले बनेको छ । डिस्क ब्रेकयुक्त वेट क्लचयुक्त कार्ट्स सिंगल सिटर छ । यसले गर्दा एक एक जनाको प्रतिस्पर्धा आयोजना गरिने छ ।

कार्ट्स रेसिङ मोटर स्पोर्ट्सको प्रारम्भिक विधा हो । पहिले १६ वर्ष भन्दा कम उमेरका लागि मात्र कार्ट्स रेसिङ उपलब्ध भएकोमा अहिले भने सबै उमेर समूहले खेल्न मिल्ने नियम छ । विश्वभर थुप्रै एमेच्योर इभेन्ट आयोजना हुने र स्पोर्ट्समा लोकप्रिय बन्दै गएको यो एक विधा हो ।

सहरबाट नजिक हुने, थोरै लगानी गरे पुग्ने, थोरै समय दिए हुने र सुरक्षित पनि भएकाले केही फरक गरौ भन्ने धारणा भएका युवाहरुका लागि यो खेल निकै रोचक हुने गरेको छ ।

एड्भेन्चर र थ्रिलिङ मन पराउनेहरुले मोटर ड्राइभिङ तथा बाइक राइडिङ र रेसिङलाई समेत सहयोग पुगोस् भन्ने उद्देश्यका साथ कार्ट्स रेसिर्ङ गर्छन् । यो खेल्ने र हेर्ने दुवैका लागि रोमान्चक खेल हो ।


Read Previous

सिद्धबाबा सुरुङ मार्गको निर्माण फागुनदेखि, ठेकेदारले डिजाइनको काम थाल्याे

Read Next

जलविद्युत लगानी कम्पनीलाई नोडल एजेन्सीको रुपमा अघि बढाइने

Leave a Reply

Your email address will not be published.