नेपाल पूर्वाधार 
काठमाडौं । जेन दिपिका ग्यारेट एशियन पेन्ट्स मिस युनिभर्स नेपाल २०२३ घोषित भएकी छिन् । काठमाडौको गोदावरी सनराइज सम्मेलन केन्द्रमा शनिबार आयोजित फिनालेमा २१ प्रतिस्पर्धीहरुलाई पछि पार्दै उनले यो उपाधि हात पारेकी हुन् । प्रतियोगीतामा गरिमा घिमिरे, बुद्धिसारा सुनार, शिताश्मा पोखरेल र मिस अभिलाषा लम्सालले क्रमशः द्वितीय देखि पाँचौं स्थानमा रहन सफल भए । मिस युनिभर्स नेपाल २०२३ की विजेता ग्यारेटलाई एशियन पेन्ट्स नेपालका कन्ट्री निर्देशक जि.गोपालकृष्णन्ले पुरस्कार प्रदान गरेका थिए ।
मिस युनिभर्स नेपालसँग सहकार्य गर्न पाएकोमा खुशी व्यक्त गर्दै गोपालकृष्णन्ले भने, “एशियन पेन्ट्समा हामी जिन्दगी र स्थानहरुमा रङ्गहरुले ल्याउने परिवर्तनलाई विश्वास गर्दछौं । मिस युनिभर्स नेपाल २०२३ को मुख्य प्रायोजक भएर हामीले केवल बाहिरी सौन्दर्यको नभई आन्तरिक सिर्जना र स्टाइलको पनि उत्सव मनाउने लक्ष्य राखेका छौं ।” प्रतियोगीतामा रोयल ब्लिङ मिस ड्याजलिङ डिभा र रोयल प्ले मिस क्रियटिभ क्यानभासको उपाधी क्रमशः शिताष्मा पोखरेल र डा.अमिसा बस्नेतले जिते । मिस युनिभर्स नेपालको प्रमुख सौन्दर्य प्रतियोगीता हो ।
