Nepal Purbadhar

शनिबार, फाल्गुन १२, २०८०
Saturday, February 24, 2024

शनिबार, फाल्गुन १२, २०८०
Saturday, February 24, 2024

नेपाल–भारतबीचको ऊर्जा सचिवस्तरीय बैठक फागुनमा, विद्युत व्यापार र पूर्वाधार सुदृढीकरणबारे छलफल हुने


काठमाडौ । नेपाल र भारतबीत भएको विद्युत व्यापार सम्झौता (पीटीए) कार्यान्वयन गर्न गठित सचिवस्तरीय संयुक्त निर्देशक समिति (जेएससी) को बैठक आगामी फागुनमा बस्ने भएको छ ।

ऊर्जा, जलस्रोत तथा सिञ्चाई मन्त्रालयका अनुसार, आगामी फागुन ५ र ६ गते अर्थात फेब्रुअरी १७ र १८ मा नयाँ दिल्लीमा दशौ बैठक बस्न लागेको हो । नवौ बैठक भने गत बर्षको फागुनको ११ र १२ गते काठमाडौमा बसेको थियो । बैठकले सो बैठकले दुई देशबीच ठूला आयोजनाहरु निर्माणमा सहकार्य गर्ने निर्णय गरेसँगै संयुक्त पश्चिम सेती, तल्लो अरुण लगायतका ठूला आयोजनाहरुमा अघि बढाउनका लागि समझदारी पनि भैसकेको छ ।

आगामी फागुनमा हुने बैठकमा भने चालु बर्षकै हिउँदमा विद्युत आयात र बर्षामा विद्युत निर्यात, नेपाल र वंगलादेशबीच हुने विद्युत व्यापारका लागि भारतले गर्नुपर्ने सहजीकरण, बुटबल–गोरखपुर अन्तरदेशीय प्रसारण लाइनको पावर सेलिङ एग्रिमेन्ट (पीएसए), अन्य प्रस्तावित अन्तरदेशीय प्रसारण लाइन निर्माण ढाँचा लगायतका छलफल हुने कार्यक्रम छ ।

ऊर्जा मन्त्रालयका सह–सचिव एवं प्रवक्ता मधु भेटुवालले आगामी फागुनमा हुने बैठकमा द्धिदेशीय र त्रिदेशीय विद्युत व्यापारका साथै दुई देशबीचकाृ पूर्वाधार सुदृढीकरणबारे छलफल हुने जानकारी दिए । ‘सचिवस्तरीय जेएससी र सह–सचिवस्तरीय संयुक्त कार्यदल (जेडब्लूजी) कौ बैठकका एजेण्डाहरुमा अझै छलफल भईरहेको तर विशेष गरी विद्युत व्यापार र पूर्वाधार सुदुढीकरणबारे छलफल हुनेछ ।’ उनले भने ।
बंगलादेशले नेपालबाट बिजुली निर्यात गर्ने लक्ष्य राखेपनि यसका लागि भारत सरकारले स्वीकृति आवश्यक पर्छ तर हालसम्म यसबारे छलफल भईरहेपनि टुंगो लागिसकेको छैन । यसबारे पनि बैठकमा छलफल हुने कार्यक्रम छ । यसअघि बंगलादेश र भारतबीच भएको छलफलमा बंगलादेशले नेपालसँग विद्युत आयातका लागि आफूहरु तयार रहेको बताउँदै यसमा सहजीकरण गर्ने प्रस्ताव राखिसकेको छ ।

नेपालले हाल भारतबाट खुल्ला बजारबाट करिब ५ सय मेगावाट आयात गरिरहेको छ भने भारतले बर्षाका लागि खुल्ला बजारमा ४५१ मेगावाटका बराबरको बिजुली निर्यातका लागि विभिन्न आयोजनाहरुलाई अनुमति दिईसकेको छ । आगामी बर्षामा माग १९ सय मेगावाट पुग्ने तर उत्पादन करिब तीन हजार मेगावाट पुग्ने नेपाल विद्युत प्राधिकरणको प्रक्षेपण छ । बर्षामा खेर जाने बिजुली बेच्नेबारे पनि बैठकमा नेपालले छलफल गर्नेछ । नेपालले करिब एक हजार मेगावाट बराबर बिजुली निर्यातका लागि प्रस्ताव भने गरिसकेको छ ।


Read Previous

जयवागेश्वरीमा काठमाडौं महानगरपालिका-८ को भवन बन्ने

Read Next

सरकारले बन्द भएका उद्योग सञ्चालन गर्छ : मन्त्री भण्डारी

Leave a Reply

Your email address will not be published.