Nepal Purbadhar

बिहिबार, माघ १९, २०७९
Thursday, February 2, 2023

बिहिबार, माघ १९, २०७९
Thursday, February 2, 2023

विद्युतीय सवारीमा पेट्रोलियको भन्दा सस्तो भाडादर ताेकेर यात्रु आकर्षित गर्न सकिने


काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङले विद्युतीय सवारी साधनमा पेट्रोलिय पदार्थ प्रयोग हुने सवारी साधनको भन्दा सस्तो भाडादर ताेकेर यात्रु आकर्षित गर्न सकिने बताएका छन् ।

सुन्दर यातायात गु्रपले विद्युतीय स्कुटर सार्वजनिक तथा चार्जिङ स्टेशन निर्माणको प्रगतिबारे जानकारी दिन आयोजन कार्यक्रममा घिसिङले विद्युतको खपत अधिकतम वृद्धि गर्दै लैजानुपर्नेमा जोड दिए । त्यसको लागि विद्युत खपतको एउटा उपयुक्त क्षेत्र यातायात रहेको उनको भनाइ छ ।

‘अहिले पेट्रोलियम पदार्थ प्रयोग हुने सवारी साधनले औसतमा १ किलोमिटर यात्रा गर्दा ४७ रुपैयाँ इन्धनमा खर्च हुने गरेको छ । जबकि विद्युतीय सवारी साधनमा त्यति नै दूरी पार गर्न २ रुपैयाँ मात्र खर्च हुने गरेको छ’ उनले भने ।

आउँदा दिनमा विद्युतीय सवारी साधन चढ्ने यात्रुलाई भाडादर पनि न्यून हुनुपर्ने उनले बताए । त्यसले आम उपभोक्ताको आकर्षण वृद्धि गर्नमा सहयोग पुग्नेछ । विद्युत्को खपत वृद्धि गर्न विद्युतीय सवारी साधनको प्रयोग वृद्धि गर्दै लैजानुपर्नेमा जोड दिए ।

अहिले युरोपमा ग्यास र विद्युतको अभाव भइरहको बेला नेपालमा खपत वृद्धि गर्नुपर्ने अवस्था सिर्जना भएको छ ।

भौतिक पूर्वाधार तथा यातायात मन्त्रालयका पूर्व सिनियर डिभिजनल इञ्जिनियर गोबिन्द खरेलले विद्युतीय सवारीमा दुई पांग्रे मात्र होइन, चार पांग्रेमा पनि जानुपर्नेमा जोड दिए ।

त्यसको थालनी गर्न ढिला भएको र प्रोत्साहन दिएर भएपनि यातायातमा विद्युतीयकरण गर्दा विदेशीने ठूलो रकम जोडिने उनको भनाइ छ । ‘अर्कोतर्फ कार्वन उत्सर्जनमा पनि कमी ल्याउन विद्युतीय सवारी साधनले उल्लेखनीय योगदान पुर्याउनेछ’ उनले भने ।

कार्यक्रममा सुन्दर यातायातका सञ्चालक भेष बहादुर थापाले कम्पनीले देशका विभिन्न स्थानमा विद्युतीय चार्जिङ स्टेशन स्थापना गरिरहेको जानकारी दिए ।

विभिन्न चरणमा गरेर प्रस्थावित ठाँउमा चार्जिङ स्टेशन स्थापना गर्ने उनको भनाइ छ ।

कार्यक्रममा विभिन्न ब्राण्डका विद्युतीय स्कुटर सार्वजनिक गरिएको थियो । त्यस्तै, चार्जिङ स्टेशनको प्रदर्शनी गरिएको थियो ।


Read Previous

जलविद्युत र पर्यटनमा इन्डोनेशियाको लगानी भित्राउन प्रधानमन्त्री देउवाको आब्हान

Read Next

मुक्तिनाथ केबलकार निर्माण अघि बढाउन खुल्यो बाटो

Leave a Reply

Your email address will not be published.