नेपाल पूर्वाधार 
काठमाडौं । आर्थिक वर्ष २०८१/२०८२ को १० महिनामा मा नेपालमा भित्रिएको रेमिट्यान्समा १३.२ प्रतिशतको बृद्धि भएको छ ।
नेपाल राष्ट्र बैंकले जारी गरेको वर्तमान आर्थिक र वित्तिय स्थीति प्रतिवेदनकाअनुसार चालु आर्थिक वर्षको १० महिनामा रेमिट्यान्समा १३.२ प्रतिशतको बृद्धि भएर १३ खर्ब ५६ अर्ब ६१ करोड रुपैयाँ भित्रिएको हो ।
अघिल्लो वर्षको यहि अवधिमा रेमिट्यान्स १६.९ प्रतिशतले बढेको थियो । वैशाख महिनामा मात्रै १ खर्ब ६५ अर्ब ३० करोडको रेमिट्यान्स भित्रिएको छ ।
त्यस्तै, चालु आर्थिक वर्षको १० महिनामा ४ लाख ५ हजार ६१० जनाले संस्थागत तथा व्यक्तिगत रुपमा नयाँ श्रम स्वीकृति लिएका छन् । यो अवधिमा पुन श्रम स्वीकृति लिनेको संख्या २ लाख ८० हजार ३१४ पुगेको छ ।
अघिल्लो आर्थिक वर्षको सुरुवाती १० महिनामा ३ लाख ७३ हजार ३०७ जनाले नयाँ श्रम स्वीकृति र २ लाख ३६ हजार ३९८ जनाले पुन: श्रम स्वीकृति लिएका थिए ।
